दोस्रो लहान मेयर गोल्डकपमा बिरगंजको जित सिरहाको पराजित

शम्भु चौधरी सिरहा १ फाल्गुन । दोस्रो लहान मेयर गोल्डकप फुटबल प्रतियोगिता २०८० मा सलहेश युवा क्लब सिरहा पराजय भएको छ भने बिरगंज युनाईटेड बिरगंज बिजय हात पारेको छ । सलहेश युवा क्लब सिरहा र बिरगंज युनाईटेड बिरगंज बिच भएको फाईनल खेलको पेलान्टी सुटआउटबाट निर्णय भएको थियो ।
स्वास्थ्यका लागी खेलकुद राष्ट्रियका लागी खेलकुद नारा सहित संचालित फुटबल प्रतियोगिता खेलको आधा समयपछि विरगंजले रातो कार्ड खाएर १० जना खेलाडीमा सिमित भए पनि कुनै किसिमको टसमस भएन । यता सिरहा टिमले विदेशी खेलाडी (हपसी) लाई खेल मैदानमा उतारे पनि त्यस विदेशी खेलाडीको केही उभो लागेन ।
स्थानिय खेलाडी उत्पादन गर्ने उद्धेश्यले संचालन भएको खेलमा विदेशी खेलाडी खेलाउन यो कस्तो किसिमको स्थानिय खेलाडी उत्पादन गर्ने खेल हो खेल हेरी रहेका एक दर्शक विजय यादवले बताए । त्यस्तै विदेशी खेलाडी खेलाएर पनि हार बेहोर्नु यो लाजास्पद हार भएको एक दर्शक नथुनि मोचिले बताए ।
निर्धारित समयमा दुवै टिमले १–१ गोलको बराबरी खेलेको थियो । निर्धारित समयमा बाकी गोल हुन नसकेकोले खेल पेलान्टी सुटआउटमा पुगेको थियो । पेलान्टी सुटआउटमा बिरगंज ४–२ ले विजय हात पारेको थियो ।
प्रथम स्थान हात पारेको बिरगंज टिमले रु ३ लाख नगद र मेडल तथा प्रमाण पत्र र दास्रो हुने सिरहा टिमले रु १ लाख ५० हजार नगद र मेडल तथा प्रमाण पत्र प्राप्त गरिएको आयोजक समितिले बताए ।
विजय भएका बिरगंज टिमलाई लहान नगर प्रमुख महेश प्रसाद चौधरीले पुरस्कार तथा प्रमाण पत्र प्रदान गरिएको थियो ।
स्मरण रहोस प्रथम लहान मेयर गोल्डकप फुटबल प्रतियोगिता २०७९ पनि बिरगंज युनाईटेड बिरगंजले नै जितेका थिए ।