काठमाडाैँ, १५ पुस । विश्वप्रसिद्ध फुटबल खेलाडी पेलेको निधन भएको छ ।
उहाँको उपचारकै क्रममा ब्राजिलमा निधन भएको बीबीसीले जनाएको छ । ८२ वर्षका विख्यात खेलाडी पेले लामो समयदेखि क्यान्सरबाट पिडित हुनुहुन्थ्यो ।
उहाँकै नेतृत्वमा सन् १९५८, १९६२ र १९७० मा ब्राजिललाई विश्वकप फुटबलको उपाधि जितेकाे थियो । पेले तीन पटक विश्वकप जित्ने एक्ला खेलाडी हुन्। सन् १९७१ मा ब्राजिल राष्ट्रिय टिमबाट सन्यास लिनुभएको थियो ।
२१ वर्ष फुटबल जीवनमा पेलेले एक हजार तीन सय ६३ खेलमा एक हजार दुई सय ८१ गाेल गरेकाे विश्व कीर्तिमान छ । यसबाहेक उहाँको नाममा धेरै विश्व कीर्तिमान छन् ।
पेले ब्राजिलको मिनास गेराइस सहरमा १९४० अक्टोबर २३ मा उनको जन्मनुभएकाे थियो ।