११ माघ । अस्ट्रेलियामा लागेको डढेलोबाट उत्पन्न धुवाँको कारण विश्वमा ६० वर्षयताकै धेरै कार्बन डाइअक्साइड उत्सर्जन भएको एक अध्ययनले देखाएको छ।
बेलायतको मेट अफिसले सो तथ्य सार्वजनिक गरेको हो। मेट अफिसले विगत ६० वर्षदेखि विश्वमा कार्बन डाईअक्साइडबारे तथ्यांक संकलन गर्दै आएको छ।
मानव निर्मित हरितगृहले कार्बन डाइअक्साइड उत्सर्जनमा ठूलो हिस्सा लिएपनि अस्ट्रेलियाको डढेलोबाट उत्पन्न धुवाले वातवरणीय चक्रमा चुनौती थपेको तथा विश्वकै वातावरणमा असर गर्ने बताइएको छ।
सन् १९५८ मा हवाईबाट सुरु गरिएको अध्ययनपछि सन् २०२० मा कार्बन डाइअक्साइड उत्सर्जनमा हालसम्मकै उच्च वृद्धि देखाउने अनुमान गरिएको मेट अफिसको विज्ञप्तीमा उल्लेख छ।
मे महिनामा कार्बन डाइअक्साइड उत्सर्जनको संख्या दश लाखबाट थप ४ सय १७ को संख्यामा वृद्धि हुने अनुमान गरिएको छ। वैज्ञानिकहरुले पृथ्वीमा कार्बन डाइअक्साइडको मात्रा सोचेभन्दा धेरै भइसकेको जनाएका छन्।
पछिल्लो समय कार्बन डाइअक्साइडको अत्यधिक उत्सर्जन करिब ३० देखि ५० लाख वर्ष पहिले भएको थियो र त्यतिवेला पृथ्वीको तापक्रम २ देखि ३ डिग्री तातो तथा समुन्द्रको तह १० देखि २० मिटर उचाईमा रहेको वैज्ञानिकहरुले बताएका छन्।
सन् १९५८ देखि कार्बन डाइअक्साइड उत्सर्जनको मापन गरिन सुरु गरिएपछि प्रत्येक वर्ष यसको वृद्धि भइरहेको जनाएपनि वृद्धिमा भने समानता भने हुने गरेको छैन।
मेट अफिसले गरेको अनुमान अनुसार मानव सिर्जित कार्बन डाइअक्साइड उत्सर्जनमा करिब १० प्रतिशतले वृद्धि हुने र त्यसमा अस्ट्रेलियाको डढेलोले पाँचमध्ये एक भाग योगदान गर्ने बताइएको छ।
गत महिनानै क्लाईमेट चेन्ज परर्फमेन्स इन्डेक्सले अस्ट्रेलियालाई कार्बन डाइअक्साइड उत्सर्जन गर्ने ५७ वटा देशमध्ये सबैभन्दा खराबको सूचीमा राखेको थियो र रणनीति कार्यान्वयनको हिसाबमा एक सयमध्ये शून्य अंक प्रदान गरेको थियो । नेपाल न्यूजबाट
