वर्षाका कारण कुलेखानी जलविद्युत भरिने अवस्थामा

हेटौंडा । लामो वर्षाका कारण कुलेखानी जलविद्युत आयोजनाको जलाशयको भरिने अवस्थामा पुगेको छ । जलाशयमा पानीको सतह १ हजार ५२५ दशमलव ५७ सेन्टिमिटर पुगेको छ ।

थाहा नगरपालिका क्षेत्रमा धेरै वर्षा भएका कारण आइतबार राति एक्कासी ५ मिटर पानीको सहत बढेको हो। जलाशयको क्षमता १ हजार ५ सय ३० मिटर हो।

तर, २०७२ को भूकम्पले ड्याम चर्किएको कारणले गर्दा १ हजार ५ सय २७ मिटर मात्रै संकलन गर्ने सुझाव दिएको छ।अहिले प्रतिघण्टा ६० सेन्टिमिटरले पानी थपिदै गएकोआयोजनाले जनाएको छ।

विद्युत प्राधिकरणले सोमबार बिहानै सूचना जारी गरेर ड्याम खोल्ने तयारीमा रहेकले तल्लो तटीय क्षेत्रका बासिन्दालाई सुरक्षित रहन जानकारी दिएको छ।पानी खपत गर्नका लागि अहिले कुलेखानीका दुईवटै आयोजना संचालन ल्याइएको छ।

दुईवर्ष यता कुलेखानीमा पानी भरिएको थिएन। यो समाचार आजको कान्तिपुर दैनिकमा छ ।