बासुदेव खोलाले बगाएका विद्यार्थीको पहिचान खुल्यो

मकवानपुर २ भदौ । हेटौंडा उपमहानगरपालिका–१९ स्थित बासुदेव खोलाले बगाएका चार विद्यार्थीको पहिचान खुलेको छ।
बगाइएका मध्ये राक्सिराङ–१ की रेशमा स्याङतान कक्षा २ मृत अवस्थामा फेला परेकी छन्। सिमा बोलन कक्षा ६ घाइते अवस्थामा उद्धार भएकी छन्।
यस्तै, सुमित्रा बोलन कक्षा ५ र बिनता बोलन कक्षा ७ अझै बेपत्ता छन्। उनीहरूको खोजी कार्य जारी रहेको प्रहरीले जनाएको छ।
विद्यालयबाट घर फर्किने क्रममा उनीहरूलाई खोलाले बगाएको हो।
घटनास्थलमा नेपाल प्रहरी, नेपाली सेना र सशस्त्र प्रहरीको टोली परिचालन गरिएको छ।