भारतीय प्रधानमन्त्री नरेन्द्र मोदी अमेरिकी राष्ट्रपति डोनाल्ड ट्रम्पलाई पछि पार्दै दुनियाँका सबैभन्दा शक्तिशाली नेता बनेका छन् ।
यस पोलमा ट्रम्प तेस्रो नम्बरमा पुगेका छन् । यस पोलमा पीएम मोदीलाई सबैभन्दा धेरै ३०.९ प्रतिशत भोट प्राप्त भएको छ । यस पोलमा पुटिन २९.९ प्रतिशत भोटका साथ दोस्रो नम्बरमा छन् । त्यस्तै, डोनाल्ड ट्रम्पलाई २१.९ प्रतिशत र चीनको राष्ट्रपति शी जिनपिङ्गले १८.१ प्रतिशत भोट पाएका थिए ।
बेलायतको ब्रिटिश हेराल्डको एक सर्वेक्षणमा पाठकहरुको भोटको आधारमा तयार पारेको रिपोर्टले यस्तो उल्लेख गरेको हो ।
उनी रूसी राष्ट्रपति भ्लादिमिर पुटिन, चिनियाँ राष्ट्रपति शी जिनपिङ्ग समेत दिग्गज नेताहरु जितेर सबैभन्दा शक्तिशाली बन्न पुगेका हुन् ।
ब्रिटिश हेराल्डका रिडर्सलाई भोट गर्नको लागि निश्चित एक समय दिइएको थियो । त्यो समयमा कुनैपनि व्यक्तिले एक पटक भन्दा धेरै मत दिन नपाउने व्यवस्था समेत गरिएको थियो ।
यसैगरी चुनिने शक्तिशाली नेताहरुमा यसअघि पुटिन सबैभन्दा शक्तिशाली नेताको रुपमा चुनिएका थिए । यसपटक त्यो स्थान मोदीले हासिल गरेका हुन् ।
ब्रिटिश हेराल्ड म्यागाजिनको जुलाई संस्करणको कभर पेजमा प्रधानमन्त्री नरेन्द्र मोदीको तस्वीरसमेत प्रकाशित हुने भएको छ । यो इडिशन १५ जुलाईमा रिलिज हुनेछ
