शम्भु चौधरी लहान २३ माघ । स्वास्थ्यको लागी खेलकुद राष्ट्रका लागी खेलकुद नारा सहित सिरहाको धनगढीमाई नगर पालिका १ बाखर सनगोरामा संचालन भएको प्रथम वडा अध्यक्ष फुटबल कप प्रतियोगिता २०७७ मा सिरहा तिनकोनीले कब्जा जमाएको छ ।
मंसिर २९ गते बाट संचालन भएको खेल प्रत्येक सोमबार र बिहिबाको दिन मात्र भएकोले माघ २२ को दिन सिरहाको भदैया र सिरहाको तिनकोनी बिच भएको फाईनल खेलमा तिनकोनीले ५–४ गोल अन्तरले जित निकाल्दै कपमा कब्जा जमाएका हुन । खेल समय भित्र ३ – ३ गोलले बराबरी रहेको खेल धेरै नै रोमान्चक रहेको थियो । अन्तमा पेलान्टी मार्फत तिनकोनीले जित हाथ पारेको खेलका एम्पायर साज कुमार आले मगरले बताए ।
विेजेता तिनकोनी टिमले १५ हजारमा कर कटटा हुने गरी नगद, कप र प्रमाण पत्र र उपविजेतालाई ११ हजार कर कटटा गरी नगद, कप र प्रमाण पत्र प्रदान गरीएको थियो । खेलमा सर्वाधिक गोलकर्ता भदैया टिमका दिपेन्द्र चौधरी,उत्कृष्ट खेलाडीमा भदैया टिमका ओम सिंह, अनुशासित खेलाडीमा तिनकोनी टिमका बिनु आले मगर र उत्कृष्ट गोलकिपरमा तिनकोनीका गोलकी नरेस रायलाई मेडल तथा कप प्रदान गरीएको थियो ।
प्रतियोगिता समापन रमारोहमा धनगढीमाई नगर पालिकाका प्रमुख प्रशासकिय अधिकृत शिवराज चौलागाई, लेखा अधिकृत पुरुसोतम प्रासद लगायत अन्य राजनितिक दलमा प्रतिनिधि समासेवि बुद्धिजिवि खेल प्रेमिहरुको कार्यक्रम बिच यपस्थित रहेको थियो ।
कार्यक्रम धनगडीमई नगरपालिका १ का वडा अध्यक्ष सुर्य नारायण महतोको अध्यक्षतामा सम्पन्न भएको थियो ।
