शम्भु चौधरी लहान ७ पुस । १९ औ.वार्षिक समाजिक लेखाजोखा कार्यक्रम आज लहानमा सम्पन्न भएको छ ।
विभिन्न परियोजना मार्फत अधिकारबाट बंचित तथा पछाडि पारिएका दलित महिला भुमिहिन तथा शिक्षामा पहुच नभएका बालबालिकाहरुको संगठन निर्माण तथा परिचालन क्षमता विकास सहित मानव अधिकारको पक्षमा वकालत गर्दै विगतका वर्ष देखि एक्सनएड नेपालको आर्थिक तथा प्राविधिक सहयोगमा लहान नगरपालिकाको ११,१२,१३,१४,२२ र २४, धनगढीमाई न पा को ९,१०,११,१२,१३ र १४ तथा औरही गा पा को ५ मा विभिन्न कार्यक्रमहरु संचालन रहेकोछ ।
कार्यक्रममा जिल्ला समन्वय समितिका सभापति दिनेश कुमार महतोको प्रमुख अतिथ्यिमा भएको हो । प्रमुख अतिथि महतोका अनुसार समाजिक लेखाजोखा भनेको कुनै पनि कार्यालयमा गरेको कामकाजको विवरण प्रस्तुत गर्नु हो यहि विवरण प्रस्तुत गरिएन भने काम प्रभावकारी मानिएको हुदैन । यस संस्था भित्र विभिन्न किसिमका समुहहरु छन विभिन्न किसिमका संजालहरु छन ति समुह र संजालहरु मार्फत सभ्य समाजको लागी, विधालयहरुको लागी, स्वास्थ्य तर्फ, आयआर्जन तर्फ निकै नै सराहनिय कार्य गरेको बताए ।
कार्यक्रममा एक्सनएडका बिनोद यादव,द विकन परियोजनाका राजेश कुमार लोहनी,हरुवा चरुवा परियोजनाका बहादुर सदाय तथा एकिकृत सुधार परियोजनाका लाल प्रसाद पोखरेलले विभिन्न परियोजनाको विषयमा आ आफनो प्रस्तुती गरेको थियो ।
हाल ५ वटा नगरपािलका र ४ वटा गाउँपालिका कार्यक्रम संचालनमा रहेको छ । जस अन्तरगत जनता आवास कार्यक्रा,गाउँ ब्लक जग्गा सम्बन्धि कार्यक्रम, टयुसन कक्षा संचालन, सिप मुलक तथा आयआर्जनका कार्यक्रमहरु संचालनमा रहेको हरुवा चरुवा परियोजनाका परियोजना संयोजक बहादुर सदायले बताए ।
एक्सनएड, वाटरएड, द फ्रिडम फन्ड र एमएमसिको सहकार्य तथा दलित जनकल्याण युवा क्लब लहान १० को आयोजनामा कार्यक्रम भएको हो ।
