शम्भु चोधरी लहान २० माघ । बोदेबरसाईन नगरपालिका –७ मानराजाका स्थानीय तह निर्वाचन २०७४ र २०७९ मा जनता समाजवादी पार्टी नेपालबाट वडा अध्यक्ष पदका प्रत्याशी बनेका शिवनन्दन यादव लागायत अन्य पार्टीका नेता तथाकार्यकर्ताहरु नेपाली कांग्रेसमा प्रवेश गरेका छन। दुबै निर्वाचनमा उहाँ झिनो मतान्तरले पराजित हुनुभएको थियो।
आइतबार बोदेबरसाईनमा आयोजित नेपाली कांग्रेसको नगर स्तरीय कार्यकर्ता भेलाको अवसरमा यादव औपचारिक रूपमा कांग्रेस प्रवेश गर्नुभएको हो। कार्यक्रमका बीच उहाँलाई टीका तथा खादा लगाएर पार्टीमा स्वागत गरिएको थियो।
पार्टी प्रवेश कार्यक्रममा सप्तरी क्षेत्र नम्बर–४ का प्रतिनिधि सभा सदस्य उम्मेदवार, पूर्व मन्त्री तथा नेपाली कांग्रेसका केन्द्रीय सदस्य एवं निर्वतमान सांसद तेजुलाल चौधरी र नेपाली कांग्रेस नगर सभापति ई. दिपेन्द्र यादवले स्वागत गर्नुभएको थियो।
कार्यक्रममा बोल्दै नेताहरूले यादवको आगमनले नगरस्तरमा पार्टी संगठन थप सुदृढ हुने विश्वास व्यक्त गरेका थिए। नवप्रवेशी यादवले क्षेत्रको विकास र जनताको सेवाका लागि कांग्रेसमार्फत सक्रिय रहने प्रतिबद्धता व्यक्त गर्नुभयो।भेलामा नगरका विभिन्न वडाबाट कांग्रेस नेता तथा कार्यकर्ताहरूको उल्लेख्य उपस्थिति रहेको थियो।
