लहान १३ मा आवलागी

शम्भु चौधरी लहान, १० पुस । गए राती लहान १३ घलेटोलमा आगलागी भएको छ । आगलागी परालको टालमा भएको स्थानिय अमिरलाल यादवले बताए ।
नन्दकिशोर मिश्रले करीब डेढ बिगहाको पराललाई टाल बनाएर राखेकोमा आगलागी भएको पिडित मिश्रले बताए । आगो कसरी लगेको कु्रा पता नलागेको अवस्था छ । अज्ञात समुहले आगो लगाए ता पनि ( नाम नखुल्ने गरी ) एक जना माथी शंका भएको पिडित मिश्रले बताए । आगलागीबाट करीब २५ हजार बराबरको क्षति भएको पिडित पक्षको दवी छ । आगलागीबाट उखु खेतीमा पनि क्षति भएको र यस पटक गरेर मेरो परालको टालमा दुई पटक आगो लगाएको पिडितले बताए ।
आगो नियन्त्रणमा लिन स्थानिय बासीको सहयोग,ईलाका प्रहरी कार्यालय पक्कीटोल, शस्त्र बेश क्याम्प लहान र लहान बारुण यन्त्रको सहयोगमा केहि बेर पछि आगो साम्य पारेको थियो । आगो अहिले पनि पुर्णरुपमा निभेको छैन । परालको टाल अति ठुलो छ कि आगो एक हप्तासम्म रहन सक्ने स्थानियहरुले बताए ।
हाम्रो समाजबाट नैतिकता नै हराएको स्थानिय एक शिक्षक कौशल मिश्रले बताए । मान्छेको खाना बजार वा कुनै पसलमा किन्न सक्छौ तर वस्तुभावको खाना कहा किन्छौ । यस्तो निन्दनिय कार्य गर्ने मान्छे मानव नै होईन शिक्षक मिश्रले बताए ।