श्रावण १९ – मुनाफारहित उद्देष्यले चाँगुनारायण नगरपालिका भक्तपुरमा सञ्चालित नेपाल इन्जिनियरिङ कलेज(नेक)ले नेपालमा उच्च प्राविधिक शिक्षामा पुर्याएको योगदानलाई उच्च कदर गर्दै कलेजलाई निस्वार्थ सहयोग गर्ने मनसायले त्रिचन्द्र कलेजका सहप्राध्यापक डा. प्रकाश दास उलकले जिओलोजि अफ नेपाल हिमालय नामक आफैले लेखेको पुस्तक नेकको पुस्तकालयलाई बीस थान उपहार दिनु भएको छ।
स्नातक र स्नातकोत्तर तहका इन्जिनियरिङ र भूगर्भ शास्त्रका विद्यार्थीहरूकोलागि अति उपयोगी उक्त पुस्तकमा नेपालको भूबनोट तथा तराइ देखि हिमाल सम्मको भौगीलिक तथा भूगर्भीय संरचनाको विस्तृत जानकारी उपलव्ध छ। नेकमा स्तातक तहमा अध्यापन हुने विषय इन्जिनियरिङ जिओलोजिका विद्यार्थीहरूलाई पनि उक्त पुस्तकले सहयोग गर्ने अपेक्षा गरिएको छ।
डा. उलकका छोरा प्रतिक उलक नेकमा सन् २००९मा भर्ना भई इन्जिनियरिङ विषय अध्ययन गर्दाको समयमा आफ्नै निजी भवनमा भएको दुर्घटनामा परी निधन भएको थियो।डा. उलकले आफ्नो छोराको स्मृतिमा प्रकाशित गरेको उक्त पुस्तक त्रिभुवन विश्वविद्यालयका विद्यार्थीहरूमा पनि लोकप्रिय छ। डा. उलक नेपालका स्थापित भूगर्भ शास्त्री हुन्।
