नेपाल पोष्ट दैनिक,लहान १९ , आषाढ। महोत्तरी जिल्लाको रामगोपालपुर नगरपालिका वडा न। १ बसबिट्टि बजार बस्ने ३८ वर्षीय कौशल मण्डलले सोही ठाउँ बस्ने ४४ वर्षीय श्रवण यादव माथि गोली प्रहार गरेको छ। मण्डलले प्रहार गरेको दुई राउन्ड गोलीबाट यादवको कन्चट र दाहिने कुमको माथी गोली लागि गम्भीर घाईते भएको छ।
घाईते यादबलाई तत्काल उपचारका लागि स्थानिय जानकी एकेडेमी हस्पिटल पर्सादेवाड रामगोपालपुरमा लगिएपनि उपचार सम्भव नभए पछि थप उपचारका लागि जनकपुर लगिएको छ ।
ईलाका प्रहरी कर्यालय रामगोपालपुरका प्रहरी इन्चार्ज प्रहरी नायव निरीक्षक ९सई० सुमन सिंहले हतियार चलाउने मण्डललाई पक्राउ गरी कारबाहीको लागि जिल्ला प्रहरी कार्यालय महोत्तरी पठाएको अवस्था रहेको छ ।
