शम्भु चौधरी लहान १४ चैत्र । भाखा नाघेको ऋण व्यवस्थापन सम्बन्धि तालिम लहानमा सम्पन्न भएको छ ।
सहकारी संस्थाले लगानी गरेको ऋण ऋणीले समयमा नतिरी भाखा नाघने गर्दछ त्यस्ता ऋणलाई कसरी असुल उपर गर्ने उद्देश्यले संचालित तालिममा ५६ सहकारी संस्थाका सहकर्मीहरु सहभागी भएका थिए ।
दुई दिने तालिममा सिरहा र सप्तरी गरी ५६ जनाको सहभागी रहेको आयोजक संस्थाका ईन्चार्ज संजय कर्णदे बताए ।
जिल्ला बचत तथा ऋण सहकारी संस्था सिरहाका कोषाध्यष देवकुमारी लामाको प्रमुख अतिथिमा भएको तालिमका प्रशिक्षक नेपाल बचत तथा ऋण केन्द्रिय सहकारी संघका तालिम प्रमुख रबिन्द्र श्रेष्ठ रहनु भएको थियो ।
नेपाल बचत तथा ऋण केन्द्रिय सहकारी संघ लहान सेवा केन्द्रद्धरा संचालित तालिको अध्यक्षता जिल्ला बचत तथा ऋण सहकारी संस्था सप्तरीका अध्यक्ष भवानी प्रसाद चौधरीको अध्यक्षतामा भएको थियो ।
