शम्भु प्रसाद चौधरी लहान ११ असोज । हिन्दूहरूको महान चाड बडा दसैंको पावन अवसरमा काठमाण्डौको गौशाला स्थित पशुपति क्षेत्रमा निकालिएको दुर्गा भवानीको कलश यात्रामा नेपाली काँग्रेस जिल्ला सिरहाका सभापति रामचन्द्र यादव सहभागी हुनुभएको छ ।
दुर्गा भवानी पुजा समिती तथा हिन्दु संस्कृति परिसद पशुपति गौशाला द्वारा आयोजित दुर्गा पुजा महोत्सव र कलश यात्रामा सभापति यादव सहभागी हुनुभएको उनका निजी सचिवालयले जनाएको छ ।
कलस यात्रा पछि पत्रकार संग संक्षिप्त कुराकानीमा वडा दशैँ तिहार तथा छठको अवसरमा सम्पूर्ण नेपाली दाजुभाई दिदी बहिनीहरूमा शुभकामना ब्यक्त गर्नु भएको छ भने आसन्न निर्वाचनमा आम जनतालाई भयरहित वातावरणमा आफनो अमूल्य मतदान गर्नको लागि बिशेष आग्रह समेत गर्नुभयो ।
