महेश सिंह सिरहा लहान २० माघ – सिरहामा सिके राउत नेतृत्वको जनमत पार्टीले आम हरतालको घोषणा गरेको छ।किसानहरुको समस्याको माग राख्दै सिके राउतका कर्याकर्ताहरुले चक्का जाम गरेको छ।
पुर्व पश्चिम राजमार्ग चक्का जाम गर्ने क्रममा प्रहरीले ८ जना कार्यकर्ताहरुलाई पक्राउ गरेका छन्।
पक्राउ पर्ने हरुमा धनगढीमाई नगरपालिका वाडा नम्बर २ कसहा बस्ने जय प्रताप साह कल्याणपुर नगरपालिका वाडा नम्बर ९ बस्ने रबिन्द्र ठाकुर,सोही ठाँउ बस्ने रंजित साह,बिजय महतो,गजेन्द्र साह,सन्तोष कुमार साह,सिरहा नगरपालिका वाडा नम्बर २० बस्ने दिनेश यादव,अर्नमा गाउँपालिका वाडा नम्बर ३ बस्ने मनोज मण्डल लगायत ८ जना पक्राउ परेको जनमत पार्टीका सिरहा जिल्ला अध्यक्ष बिजय कुमार साहले जानकारी दिनु भयो।
पक्राउ परेकाहरुलाई ईलाका प्रहरी कार्यालय मिर्चैया र ईलाका प्रहरी कार्यालय धनगढी र ईलाका प्रहरी कार्यालय गोलबजारमा राखीएको ईलाका प्रहरी कार्यालय धनगढीका इन्चार्ज प्रकाश खडकाले बताए।केन्द्रको निर्णय अनुसार हामीले सिरहामा आम हरतालको घोषणा गरेको पार्टीका जिल्ला अध्यक्ष बिजय साहले बताए।
बन्दले गर्दा छोटाे तथा लामो दुरीका गाडीहरू गन्तव्यमा पुग्न नसक्दा राजमार्ग मै अलपत्र परेका छन। अलपत्रमा परेका सर्बसाधारणहरुले पिडा खेपदा दु:ख व्यक्त गरेका छन्।
प्रहरीका अनुसार बन्द कर्ताहरुले ४ /५ वटा गाडीहरुमा सिसा समेत फुटाई दिएको अवस्था रहेको छ। गाडीहरूलाई होलड गरेर स्काउट्टीङ्गमा गाडीहरुलाई पठाउने प्रहरीले बताए।
