सबल नेपालद्वार घर घरमा मिनी पुस्तकालय स्थापना बालवालिकाहरुलाई सैक्षिक सामग्रीहरु सहयोग

श्रावन २८ गते सप्तरी – सप्तरी सुरुङ्गा नगरपालिकाको विभिन्न वडाहरुमा स्याहारकर्ता समुहका आमाहरु लाई घरमै मिनी पुस्तकालय स्थापना गरी वालवालिकाहरुलाई अध्ययन गर्न विभिन्न प्रकारका खेलकुद तथा शैक्षिक सामग्रीहरु वितरण गरेका छन ।
सुरुङ्गा नगरपालिकाको समन्वय र सेभ द चिल्ड्रेनको साझेदारीमा संचालित घरमा सुरक्षित र सिकाई कार्यक्रम अन्तर्गत सबल नेपाल सप्तरीले शैक्षिक सामग्रीहरु सहयोग गर्नु भएको सबल नेपालका परियोजना अधिकृत राधेश्याम रामले जानकारी गराउनु भएको छ ।
विगत दुई बर्ष देखी विश्वव्यापी रुपमा फैलि रहेको कोरोना माहामारीका कारण विशेष गरी शिक्षा क्षेत्र धारासायी बन्दै गईरहेको अवस्थामा ३ बर्ष देखी माथी र ५ बर्ष मुनीका बालवालिकाहरुलाई लक्षित गरी उनिहरुको घरघरमै मिनि पुस्तकालय स्थापना गरी सुरक्षित रुपमा अध्ययन गर्नकालागि क्रृयाकलाप बुक १ थान, कथा भएको पुस्तक १५ थान, जनचेतनामुलक पोस्टर लगायतका सामग्रीहरु सहयोग गरेको सुरुङ्गा नगरपालिका वडा नम्वर ७ बडा अध्यक्ष शिवनारायण चौधरीले बताउनु भएको छ,- चौधरीका अनुसार सबल नेपालले वालवालिकाहरुको हकहित लागि गुण्स्तरिय शिक्षा, स्वास्थ्य र सुरक्षाको सबालमा नियमित रुपमा सहयोग गरिरहेको बताउनु हुदै सुरुङ्गा नगरपालिका वडा ८ का १०१ र वडा ७ का १०२ गरी २०३ जना स्यहारकर्ता अभिभावकहरुलाई वालवालिकाहरुको प्रयोजनकालागि प्रयाप्त मात्रामा शैक्षिक सामग्रीहरु र स्याहारकर्ता आमाहरुलाई IVR एकिकृत अन्तरक्रृयात्मक सेसनमा भागलिनकालागि सिमकार्ड सहित मोवाईल फोन समेत सहयोग गरेको बताउनु भयो ।
सबल नेपालका समुन्नति कार्याक्रमका परियोजना संयोजक नन्दकिशोर चौधरीका अनुसार दुवै वडाका २०३ जना अभिभावकहरुलाई सामग्रीहरु सहयोग गरेका छौ र अगामी दिनमा आमाहरुले प्राप्त गरेको सामग्रीहरु आ आफ्ना घरमा मिनी लाईब्रेरी स्थापना गरी घरमै छोराछोरीहरुलाई शिक्षा दिने र मोवाईल प्रयोग गरी स्याहारकर्ता आमाहरु अन्तरक्रृयात्मक सेसनमा भागलिने बताउँनु भएको छ ।
कोभिडको प्रभावले बालवालिकाहरु विशेष प्रभावित भईरहेको समयमा सबल नेपालले नियमित रुपमा बालविकास, आधारभुत शिक्षा, विद्यालय स्वास्थ्य तथा पोषण, किशोर किशोरी विकास, किशोर किशोरी यौन तथा प्रजन्न स्वास्थ्य, जिविकोपार्जन र घरमा सुरक्षित र सिकाई परियोजना अन्तरगत विभिन्न कार्यक्रमहरु सचालन गरीरहेको बताउनु भएको छ ।