जनकपुरधाम ४ चैत । धनुषाको शहिदनगर नगरपालिकाका मेयर उदय कुमार बरबरिया (यादव) ले रजस्वालाका कारण कैयौं छात्रहरु विद्यालय नआउने गरेको परिस्थितपछि सेनेटरी प्याड बनाउने तालिम दिइएको हो ।
रजस्वला भएको समयमा छात्रा विद्यालयमा नआउने, विद्यालयमा भएको समयमा छात्रालाई असहज हुने भएकाले कतिपयले बीचमा पढाई छोड्ने र पढाईमा असर परेपछि स्यानेटरी प्याड बनाउने तालिम दिएको हो ।रजस्वालाका कारण विद्यालय जानबाट बञ्चित हुने अवस्थालाई मध्यनजर गर्दै कपडाको प्रयोगले हुने सम्भावित ईन्फेक्सनबाट जोगाउन र विद्यालयमा छात्राहरुको नियमित र निर्वाध पहुँच बनाउने सेनेटरी प्याड बनाउने तालिम दिइएको मेयर बरबरियाले बताए ।
प्याड पुनः प्रयोग गर्न मिल्ने खालको र वातावरणमैत्री र गरिब छात्राले पनि सजिलै र सस्तैमा बनाउन सकिने गरी १५ दिने तालिमको बुधबार समापन कार्यक्रममा बोल्दै मेयर बरबरियाले अब छात्राहरुले नियमित विद्यालय जान सक्ने नगरपालिकाका प्रमुख प्रशासकीय अधिकृत सत्रुध्न यादवले बताए ।
सो समापन कार्यक्रममा नगरपालिकाका प्रमुख प्रशासकीय अधिकृत यादवले सहभागी महिलाहरुलाई तालिमको लागि दक्षताको प्रमाणपत्र प्रदान गरेका थिए ।
बजारमा विभिन्न कम्पनीले ल्याएका प्याड प्रयोग गर्दा सजिलो त हुन्छ नै तर त्यसले छाला तथा पाठेघर सम्मको इन्फेक्सन गराउनुको साथै खर्च पनि बढाउने भएपछि स्थानीय स्तरमै नगरपालिकाले महिलाहरुलाई प्याड बनाउने तालिम दिएको हो ।
रजश्वला भएकी एक छात्रालाई महिनामा १६ वटा स्यानेटरी प्याड आवश्यक पर्छ, जसको मूल्य एक सय पचास रुपैयाँ पर्ने तथा वर्षमा दुई हजार मूल्य बराबरको प्याड आवश्यक हुन्छ ।
शहिदनगर नगरपालिकाको सहयोग र गैर सरकारी सँस्था हेल्पिँग ह्याण्ड नेपालको आयोजनामा १५ दिने सेनेटेरी प्याड बनाउने तालिम दिइएको हो । विभिन्न वडाबाट महिलाहरुलाई सहभागीता गराइएको थियो ।
