‘राम्रो नम्वर र सरकारी जागिर खानका लागि राजधानी जस्ता ठूला शहरमै पढ्नु पर्छ भन्ने रहेनछ,’ उनले भने, ‘साना–साना मेहनतले पनि सुर्खेत जस्ता साना शहरमा बसेर ठूलो सफलता हात पार्न सकिन्छ भन्ने शिक्षा यो सफलताबाट प्राप्त भयो ।’ उनका अनुसार लक्ष्य निश्चित भएपछि निरन्तर मेहनतसँगै दृढ ईच्छाशक्तिले जुनसुकै परिस्थितिमा सफलता सहजै हात पार्न सकिन्छ । यता गणेश ढकालको सफलताबाट मोडल कलेज व्यवस्थापन समितिसँगै शिक्षक, विद्यार्थी तथा अभिभावकमा खुशी छाएको छ । कलेजका प्रिन्सिपल गणेश आचार्यले ढकालको सफलता कलेज र जिल्लाका लागि मात्र होइन देशकै लागि भएको बताए । उनले अनुशासित, ईमानदार र मेहनती ढकालको सफलता कलेजका अन्य विद्यार्थीका लागि समेत प्रेरणाको स्रोत भएको जनाए । ‘कलेज ढकालको थप उत्तरौंत्तर प्रगतिको कामना गर्छ,’ उनले भने, ‘ढकालको सफलता भित्र कलेजको समेत सफलता लुकेकाले थप गुणस्तरीय शिक्षणका हामी निरन्नतर प्रयासरत छौं ।’ उनले ढकालको सफलताले मोडल कलेजलाई समेत देशव्यापी चिनाएको प्रति गौरवान्वित बनाएको जिकिर गरे ।
