आईएमई लाईफ ईन्सुरेन्स कम्पनीद्वारा ७ कर्मचारी सम्मानित 

साेम दियाली, कटारी असाेज १७ – आईएमई लाईफ ईन्सुरेन्स कम्पनी कटारी शाखाले एजेन्सि म्यानेजर र अभिकर्ताहरुका लागि पुनर्ताजगी तथा सम्मान कार्यक्रम सम्पन्न गरेकाे छ ।
शाखाका कटारी प्रमुख राजन कुमार खड्काकाे अध्यक्षता तथा कम्पनीका १ नम्वर प्रदेश प्रमुख कर्मराज पाैडेलकाे प्रमुख अातिथ्यतामा कटारी स्थित हाेटल मेजेस्टीकाे सभाहलमा कार्यक्रम सम्पन्न भएकाे हाे ।
साे अवसरमा कम्पनीकाे एजेन्सी म्यानेजर तथा अभिकर्ताकाे रुपमा कार्यरत ७ जना उत्कृष्ट कर्मचारीहरुलाई विभिन्न एवार्डबाट सम्मान गरिएकाे छ । सम्मानित हुनेहरुमा सर्वाेत्कृष्ट एवार्डबाट युवराज कार्की(सन्ताेष)लाई सम्मान गरिएकाे छ । त्यस्तै व्यक्तिगतकाेडमा सबैभन्दा बढी व्यवसाय गर्ने अभिकर्ताकाे रुपमा काजीमान कटुवाललाई सम्मान गरिएकाे छ भने व्यक्तिगत १० लाख व्यवसाय गर्ने सरस्वती पाैडेललाई पनि सम्मान गरिएकाे छ । त्यस्तै ५ लाख सम्म काराेवार गर्ने क्रमश:प्रेम बहादुर कार्की र हाेम बहादुर थापालाई मिनि फस्टका रुपमा सम्मान गरेकाे छ भने मिनी सेकेण्डका रुपमा काेमल कुमारी कार्की र दन्तसिंह कार्की सम्मानित हुनु भएका छन् ।
सम्मान कार्यक्रममा सम्मानित हुनेहरुलाई बधाई दिनु हुँदै प्रमुख अतिथि कम्पनीका १ नम्वर प्रदेश प्रमुख पाैडेलले २०७४ सालमा स्थापना भई काराेवार सुरु गरेकाे कम्पनीले उर्जाशील कर्मचारीहरुकै कारण छाेटाे समयमा नै देशकै उत्कृष्ट ईन्सुरेन्स कम्पनी बन्न सकेकाे बताउनु भयाे । कार्यक्रममा युके एफएमका प्रवन्ध निर्देशन अस्मित पाैडेलले सम्मानितहरुलाई शुभामना दिनु भएकाे थियाे । कार्यक्रमकाे संचालन अप्रेसन इन्चार्ज राजकुमार कार्की ले गर्नु भएकाे थियाे भने स्वगत मन्तव्य काजीमान कटुवालले राख्नु भएकाे थियाे ।