नेपाल पत्रकार महासंघ बझाङमा लगाएको ताला तीन दिन भई सक्दा पनि खुलेन         

 दोरेन्द्र खड्का बझाङ १ असोज –  नेपाल पत्रकार महासंघमा तालबन्दी भएको ३ दिन भइसक्दा पनी ताला खुलेको छैन् । गैर पत्रकार र राजनितिक दलका कार्यकर्ताहरुलाई नेपाल पत्रकार महासंघको सदस्यताका लागी सिफारिस गरेको भन्दै प्रेस संगठन नेपालले भाद्र ३० गते तालाबन्दी गरेको थियो । गैरपत्रकार र निष्क्रिय पत्रकारहरुको साधारण सदस्यता समेत नरहने गरी खारेजीको माग गर्दै आएको प्रेस संगठनले आफ्नो माग पुरा नभएको भन्दै तालावन्दी गरेको थियो ।
तलाबन्दी भएको तीन भइ सक्दा पनि नेपाल पत्रकार महासंघले ताला खोल्न कुनै पहल गरेको छैन् । नेपा पत्रकार महासंघका अध्यक्ष जगदिश रोकाया र सचिव शैलेन्द्र रोकायाले आफुखुसी गैर प्रकारहरुलाई नयाँ सदस्यका लागी सिफारिस गरेको थियो । उक्त सदस्यका लागी सिफारिस गरिएका गैरपत्रकारहरुको सिफारिस रोक्ने र विगतदेखी नै नेपाल पत्रकारको सदस्य रहेका गैर तथा निष्क्रिय पत्रकारहरुलाई महासंघबाट हटाउनु पर्ने प्रेस संगठनले माग राखेको थियो । तर यता पत्रकार महासंघ बझाङका अध्यक्ष र सचिवले भने रवाफको शैलीमा नेपाल पत्रकार सहासंघका कार्यसमितिका अन्य पत्रकारहरुसंग कुनै समन्वय नै नगरी एकलौटीरुपमा सदस्यता सिफारिस गरिरहेका छन् ।
प्रेस संगठन नेपाल बझाङले आफ्ना गलत निर्णय नसच्याएसम्म चरणबद्ध रुपमा आन्दोलन गर्ने बताएको छ । नेपाल पत्रकार महासंघमा रहेका गैर पत्रकार र राजनितिक दलका प्रतिनिधीलाई पत्रकारको सदस्यता दिदै आएको भन्दै चरणबद्ध आन्दोलनका कार्यक्रम सार्वजनिक गरेको छ । जस अन्र्तगत सुरुमा प्रेस बिज्ञप्ती मार्फत जानकारी दिने र नेपाल पत्रकार महासंघको कार्यालयमा तालाबन्दी गर्ने, नेपाल पत्रकार महासंघको कार्यसमितिमा रहेका पदाधिकारीहरुलाई जिम्मेवारीबाट राजिनामा दिन लगाउने, र सुदुरपश्चिम प्रदेश र केन्द्रिय कार्यालयमा बिज्ञप्ती दिन लगाउने र नेपाल पत्रकार महासंघले बार्ताका माध्यमबाट बिबाद टुङ्गो नलागाएको खण्डमा दोस्रो चरणको आन्दोलनका कार्यक्रम सार्वजनिक गर्ने प्रेस संगठन नेपाल बझाङले जनाएको छ।
तर यता नेपाल पत्रकार महासंघले भने सवै बिषयको टुङ्गो लागेको बताएको छ । आज बसेको बैठकबाट चार जनालाई थपेर ४० जनाको सिफारिस गर्ने महासंघका सचिव शैलेन्द्र रोकायाले बताउनु भयो । महासंघमा लागेको ताला खोल्नका लागी शुक्रबार बैठक बसेर बार्तामार्फत टुङ्याइने रोकायाले बताउनु भयो ।