२५ भदाै, मेलम्ची – गत २३ गते सिन्धुपाल्चाेक जिल्लाकाे मेलम्ची नगरपालिकाकाे कार्यकक्षमै बसेर मदिरा सेबन गरेकाे पाइएकाे छ। मेलम्ची नगरपालिकाकाे इन्जिनियर जित बहादुर कार्की, इन्जिनियर अरुण कुमार झा, सव.इन्जिनियर ललन शाह, लेखा अधिकृत मुरारी पुडासैनी, सन्ताेष थापा र अन्य व्यक्तिहरु सहित नगरपालिकाकाे इन्जिनियर शाखा अन्तर्गत कार्यकक्षमा बसेर मादक पदार्थ सेवन गरिरहेकाे पाइएकाे हाे ।सरकारी कार्यलयमा धुम्रपान, मध्यपान जस्ता कृयाकलाप गर्नु गैरकानुनी हाे । तर यस्ता गतिविधिले सिङ्गाे निजामति कर्मचारी प्रति नै दाग लाग्ने देखिन्छ । निजामति कर्मचारीले अन्य सर्वसाधारणलाई धुम्रपान, मध्यपान र लागुपदार्थ जस्ता गतिविधिमा नलाग्न भनि शिक्षा र जतचेतना दिनुपर्ने ठाउँमा उल्टै कार्यकक्षमा यस्ता नकारात्मक कामले सिङ्गाे निजामति सङ्गठनलाई गिज्याएकाे तिताे अनुभव हुन्छ । उक्त भिडियाेमा सिन्धुपाल्चाेक जिल्लाकाे मेलम्ची नगरपालिकाकाे कार्यकक्षमा धुम्रपान, मध्यपान जस्ता अनैतिक कृयाकलाप प्रष्ट रुपमा देख्न सकिन्छ । सम्भार :डिजिटल खबर
