बिरगंज २७ भदौ – हिन्दू परिषद नेपालका केन्द्रिय अध्यक्ष संतोष पटेलले नेपाल सरकार र मिलेनियम च्यालेञ्ज कर्पोरेसन बिच भएको एमसीसी सम्झौता खारेज गर्ने पर्ने बताएका छन्। सामाजिक संजालमा कड़ा आलोचना गर्दै सो कुरा कुरा बताएका हुन्।
पटेलका अनुसार हाम्रो जस्तो भूराजनीति भएको मुलुकमा विदेश अनुदान लिँदा धेरै कुरा विचार गर्नुपर्ने हुन्छ। ५० करोड डलर भन्दा देशको स्वाभिमान ठूलो कुरा हो। मेरो विचारमा एमसीसी सम्झौता संशोधन गरेर पनि लागू हुन सक्दैन। स्पष्ट रुपमा भन्दा यो खारेज नै हुनुपर्छ।
पटेलले अमेरिकी अधिकारीहरुले एमसीसी सम्झौता इन्डोप्यासफिक रणनीतिको अंग भएको स्पष्ट पारिसकेको अवस्थामा सम्झौता संशोधनले पनि राष्ट्रिय हितको रक्षा गर्न नसक्ने बताए। उनले भने, ‘‘अमेरिकी अधिकारीहरुले नै एमसीसी इण्डोप्यासफिक रणनीति (आइपिएस) को अंग भएको बताइसकेका छन्। यस्तो परिस्थितिमा यसलाई संशोधन तिर लाग्नु भन्दा खारेजको स्पष्ट धारणा बनाएर अघि बढ्नुपर्छ।’’
पटेलले भने एमसीसी सम्झौता लागू भएमा नेपाल नवऔपनिवेशिक राष्ट्र हुने बताए।‘‘हामी स्वाधीन राष्ट्र निर्माणको अभियानमा छौं। तर, एमसीसी लागू भएमा त्यो स्थिति रहँदैन। नेपाल नवऔपनिवेशिक दिशामा जान्छ। त्यो खतराबाट देशलाई बचाउनुपर्छ।’’
हिन्दू परिषद नेपाल सहित बिभिन संगठनले एमसीसी सम्झौताको खारेजीको मांग गर्दै आएका छन।
