प्रदेश २को सरकार परिवर्तन हुने अध्यक्ष दाहालकाे संकेत

काठमाडौँ, ११ फागुन । नेपाल कम्युनिष्ठ पार्टी (नेकपा)का अध्यक्ष पुष्पकमल दाहालले प्रदेश २ को सरकार परिवर्तन हुने संकेत गर्नुभएको छ ।

मिथिलाको महाकुम्भ मानिने १५ दिवसीय मिथिला मध्यमा परिक्रमाको उद्घाटन गर्दै अध्यक्ष दाहालले प्रदेश २ सरकार फेरिने बताउनुभएको हो । उहाँले सरकारमा सहभागी हुनका लागि नेकपाले सत्तासीन दल समाजवादी पार्टी र राष्ट्रिय जनता पार्टी(राजपा) सँग कुराकानी भइरहेको बताउँदै सहमति जुटेमा छिट्टैे आन्तरिक गृहकार्य सम्पन्न गरेर सरकार फेरिने दावी गर्नुभयो ।

यस्तै, फरक प्रशंगमा अध्यक्ष दाहालले निवर्तमान सञ्चारमन्त्री गोकुल बाँस्कोटाको अडियो प्रकरणको अख्तियार दुरुपयोग अनुसन्धान आयोग छानबिन गर्ने बताउनुभयो । प्रकरणसँग जोडिएका हरेक विषयमा सम्बन्धीत सबैको छानबिन हुने पनि दाबी गर्नुभयो ।

यस्तै, एमसीसीका सन्दर्भमा सचिवालयले परिमार्जनसहित अनुमोदन गर्ने सहमति गरेको जनाउँदै विवादित बुँदालाई संशोधन गरेर अघि बढ्ने समेत दोहो¥याउनुभएको थियो ।