समाजवादी पार्टीको प्रदेश उमेदवारीमा लाजमर्दो मधेस राजनीति

राजबिराज २० पुस । मुलुकमा जुनसुकै ब्यबस्था आए पनि गाउँका सामन्त जमिनदार, हुनेखाने वर्ग र जातिकै हालीमुहाली रहँदै आएको छ । लोकतन्त्र आएदेखि राजनीति दलमा यसको प्रवेश झन् लाजमर्दो तरिकाले बढेको छ । प्रश्न जति उठे पनि आफ्नो राजनीति चरित्र र ब्यवहार राजनितीक दलले मजाकमा उडाउँदै आएको छ । पछिल्लो समय उदाएका मधेसी राजनीतिमा पनि त्यसको प्रतिबिम्ब भन्दा पनि घिनलाग्दो तरिकाले अगाडि बढेको छ ।

त्यसैको उदाहरण हो राष्ट्रियसभा सांसद पदका लागि सप्तरीमा एकै परिवारका दुई दाजुभाइबीच प्रतिस्पर्धा हुने भएको छ । सप्तरीको बोदेबर्साइन नगरपालिका घर भएका अनिरुद्र सिंह यादव समाजवादी पार्टीका नेता हुन् भने उनका भाइ मृगेन्द्र सिंह यादव राजपाका नेता हुन् जुन दुबै जनाबीच प्रतिस्पर्धा हुन लागेको हो । पार्टी पनि दुबै जनाको त्यस्तै फेला परेको छ ।

फरक विचारको नाममा राजनीतिक दलहरुले पनि त्यस्तैहरुलाई टिकट बेच्दै आएको आरोप लाग्दै आएको छ । तर पनि राजनीतिक दलको चाला उहि छ । मृग्रेन्द्र र अनरुद दाजुभाइ सप्तरीका नामी सामन्ती घरेनाका जमिनदारहरु हुन् । रेणु यादव पनि तिनै खालका हुन् । जसले हरेक ब्यबस्थामा आफ्नो पकड राख्दै आएको छ ।

राष्ट्रिय जनता पार्टी ९ राजपा० नेपालले मृगेन्द्रलाई र समाजवादी पार्टीले अनिरुद्रलाई प्रदेश २ बाट उम्मेदवार बनाएका छन् । यी दाजुभाइले आइतबार उम्मेदवार दर्ता गराउँदै छन् । राजपाले मृगेन्द्रलाई शनिबार दिउँसै उम्मेदबार बनाउने निर्णय गरे पनि अनिरुद्रलाई शनिबार राति समाजवादी पार्टीले उम्मेदबार चयन गरेका छन् ।

२०७० सालको संविधानसभा निर्वाचनमा पनि दुवैले सप्तरी क्षेत्र नम्बर ४ बाट फरक–फरक दलबाट प्रतिस्पर्धा गरेका थिए । मृगेन्द्र तत्कालीन मधेशी जनअधिकार फोरम लोकतान्त्रिकबाट र अनिरुद्र मधेशी जनअधिकार फोरमबाट उम्मेदबार बनेका थिए । तर, दुवै पराजित भए । सो क्षेत्रबाट नेपाली कांग्रेसका सुरेन्द्र यादव निर्वाचित भएका थिए ।

त्यसो त मृगेन्द्र ०७४ सालको प्रतिनिधिसभा निर्वाचनमा पनि सप्तरी क्षेत्र नम्बर ४ बाट उम्मेदबार बनेका थिए । तर उनी कांग्रेसका तेजुलाल चौधरीसँग पराजित भएका थिए । यसरी एउटै परिवार र जातिहरुबाट विभिन्न पार्टीमा प्रवेशगरी राजनीति ब्यबस्था कब्जा गर्ने परिपाटीको विकास मधेसमा भएको कुनै नौलो होइन पुरानै हो ।

जनतालाई भ्रममा पार्दै अरु उत्पीडनमा परेका जाती र समुदायलाई राजनीतिक दलले असक्षमताको आरोप लगाउँदै समाजका यस्ता प्रवृत्तिलाई राजनीतिले साथलिएकोमा मुलुक अगाडि बढ्न नसकेको राजनीतिक कर्मी ताजमोहमद आलमले वताए ।