काठमाडौँ १२ पुस । — केन्द्रीय कार्यसमिति बैठकको बहुमतबाट संस्थापनले कार्यतालिकासहित पार्टीको १४ औं महाधिवेशनको मिति तय गरेपछि त्यसबारे रणनीति बनाउन नेता रामचन्द्र पौडेल पक्षको बैठक बस्दैछ । केहीबेरमा महामन्त्री डा. शशाङ्क कोइराला निवास महाराजगञ्जमा बैठक बस्ने केन्द्रीय सदस्य हृदयराम थानीले जानकारी दिए ।
बैठकले सबैलाई मिलाएर लैजानु पर्ने सभापतिले आफै बहुमतीय प्रक्रियाबाट निर्णय गरेपछि त्यसविरुद्ध कसरी अगाडि बढ्ने भन्ने विषयमा छलफल हुने थानीले बताए।
पौडेल र नेता कृष्णप्रसाद सिटौला पक्षको बहिष्कारबीच शुक्रबार बसेको केन्द्रीय कार्यसमिति बैठकले बहुमतबाट पार्टीको १४ औं महाधिवेशन २०७७ फागुन ७ देखि १० गतेसम्म गर्ने निर्णय गरेको थियो।
