शम्भु चौधरी, लहान ४ साउन । नेकपा एमाले लक्ष्मीपुर पतारी गा पा कमिटी नेता तथा कार्यकर्ताद्वारा सूचनाको हक माग गर्दै विभिन्न योजना गतिविधि, गाडी भाडा दुरुपयोग, संचालन खर्चमा अनियमिता, हाल किसानहरु लाई ट्रान्सर्फमर जडान देखी खानेपानीको समस्या सहित गा पा अध्यक्ष चतुराननद ठाकुरलाई ध्यानाकर्षण गराउदै प्रमुख प्रशासकीय अधिकृतको कार्यलयमा आईतबार तालाबन्दी गरिएको छ ।
विपक्षी पार्टीका जनप्रतिनिधिलाई कुनै वास्ता नै नगरी गा.पा. अध्यक्ष ठाकुर नेतृत्वको स्थानीय सरकार मनोमानी ढंगले संचालन भैरहेको र पालिका बासी सास्ती खेप्दै आइरहेको बैठकको निष्कर्ष रहेको नेता साहले बताएका छन। नेता साह अगाडी थप्दै दिन प्रतिदिन विपक्षीलाई कम बजेट बिनियोजन गरि पेल्न खोजेको र कृषि र किसान प्रति स्थानीय सरकार गम्भीर नरहेको बिषयलाई मध्यनजर गर्दै नेकपा एमाले जगत प्रसादको अध्यक्षता ३१ सदस्यीय संघर्ष समिति गठन गरि भोलि ११ बजे गा।पा लक्ष्मीपुर पतारिमा जाने सर्ब सहमत निर्णय गरि बैठक सम्पन्न भएको नेता साहले जनाए।
साउन ३ मा पार्टी पालिका अध्यक्ष ब्रहमदेव यादवको अध्यक्षतामा प्रदेश कमिटी सदस्य मधेस प्रदेश सिरहा क्षेत्र न. १ क को सांसद पालिका ईन्चार्य माननीय राजेन्द्र प्रसाद चौधरीको प्रमुख अतिथिय्तामा प्रदेश कमिटी सदस्य मोहित राईन, सरियार चौधरी , पुर्ब गा .पा. अध्यक्ष रामबल्भ साह , जिल्ला कमिटी सदस्य देबनारायण साह सहित बसेको बैठक बाट पालिका भित्र भैरहेको बेथिति र भ्रष्टाचार विरुद्ध चासो बढेको नेता देवनारायण साहले जनाएका छन।
बैठकमा बिधमान अबस्थामा गाउँपालिका लक्ष्मीपुर पतारीको बिकास निर्माण देखि संचालन खर्च, गाडी दुरुपयोग ,इन्जिनियर करार सेवामा राखी व्यापक भ्रष्टाचार अस्थाई इन्जिनियर सडक छाप सामान खरिदमा व्यापक दुरुपयोग,सभा सेमिनार, तालीम गोष्ठी,भ्रमण,ईन्धन खरिद जस्तो कार्यमा व्यापक अनियमिताको गन्ध प्राप्त भएकोले ने।क।पा। एमाले लक्ष्मीपुर पतारीको गम्भीर ध्यानाकर्षण भएको नेता साहले बताए।
उक्त बैठकमा जिल्ला कमिटी सदस्य नवीन गुप्ता ,अशोक मण्डल, तारिणी प्रसाद यादव ,पालिका कमिटी उपाध्यक्ष रामसेवक साह,सचिव प्रमोद कुमार सिंह ,उप सचिव बिष्णुदेव यादव ,लगायत पालिका कमिटी सदस्यहरु,वाडा कमिटी अध्यक्षहरु,वाडा अध्यक्ष प्रतियासिहरु,लगायत सम्पुर्ण युवा अध्यक्षहरू सहित विभिन्न जन वर्गीय संगठनका पदाधिकारीहरूको बाक्लो उपस्थिति रहेको थियो।
