नरेशचन्द्र बरबरिया सिरहा भदौ २२ गते । सिरहा जिल्लाको सिरहामा आफै आगो सल्केर घरको सम्पूर्ण सरसमान जलेर खरानी भएको छ र घटना कुनै नौलो घटना होइन विगत तीन बर्ष देखि सिरहा सदरमुकाममा रहेको यो घरमा पटक पटक आफै आगलागी हुँदै आएको छ र यो घटना सायद कोइसंग लुकेको छैन । सिरहा नगरपालिका- ७ मा आफ्नै घर बनाई बस्दै आएका रामहरि मण्डलको घरमा विगत ३ वर्ष देखि विभन्न सर सामानहरू जलेर खरानी हुँदै आएको छ ।
मण्डल जिल्ला प्रशासन कार्यालय सिरहामा कार्यरत मण्डल लगायत उनको परिवार अहिले त्रासमा बाचिरहेका छन । ८ महिना पछि पुनः आफै आगो लाग्ने ,पंखा तल खस्ने ,कुलर आफै चल्ने ,दराज भित्र आफै आगलागी हुने जस्ता कार्य हुँदै आएको छ । अहिले मण्डलका परिवार त्रासले गाउँको घरमा बस्दै आएको छ । घरमा भएको खाद्यान्न , लताकपडा सहितको सामग्रीमा एक्कासि आगो जलेर नष्ट हुने गर्छन यी एक किसिमको अद्भुतको घटना नै हो ।मण्डलका घरमा ८ जनाको परिवार छन् ती सबै यस्ता घटनालाइ लिएर विच्चलिमा रहेको देखिन्छ अब त घर खर्च पनि धान्न कठिन भएको हुनाले सहयोगको लागि मण्डल परिवारले अपिल गरेको छ ।a
