सिरहा २० भदौ । मानव बेचबिखन तथा ओसारपसार विरुद्ध जनचेतना फैलाउने उद्देश्यले नेपालमा हरेक वर्ष मानव बेचबिखनविरुद्धको राष्ट्रिय दिवस मनाइँदै आएको छ। दिवसका अवसरमा विभिन्न संघ–संस्था तथा स्थानीय तहले जनचेतनामूलक कार्यक्रम आयोजना गर्दै मानव बेचबिखन नियन्त्रणका लागि सामूहिक प्रतिबद्धता जनाउने गरेका छन्।
मानव बेचबिखन गम्भीर सामाजिक अपराधका रूपमा रहेको छ। गरिबी, बेरोजगारी, अशिक्षा, कमजोर आर्थिक अवस्था तथा रोजगारी र राम्रो जीवनको प्रलोभनका कारण विशेषगरी महिला तथा बालबालिका बेचबिखनको जोखिममा पर्ने गरेका छन्। वैदेशिक रोजगारी, विवाह, मनोरञ्जन तथा अन्य विभिन्न बहानामा मानिसलाई प्रलोभनमा पारेर बेचबिखन तथा शोषण गर्ने प्रवृत्ति अझै चुनौतीका रूपमा रहेको छ।
मानव बेचबिखन समाजिक अपराध हो, शरिर कसैको सम्पति होईन भन्ने नारा सहित सिरशामा पनि विभिन्न समाजिक संघ संस्थाले यो दिवस मनारहेको छ ।
विशेषगरी सीमावर्ती क्षेत्रमा आवतजावत गर्ने व्यक्ति तथा जोखिममा रहेका महिला र बालबालिकामाथि निगरानी बढाउनुपर्ने आवश्यकता देखिएको छ। रोजगारी वा अन्य अवसरको नाममा अपरिचित व्यक्तिको प्रलोभनमा नपर्न, आवश्यक कागजात तथा गन्तव्यबारे जानकारी लिएर मात्र यात्रा गर्न र शंकास्पद गतिविधि देखिए तत्काल सम्बन्धित निकायमा खबर गर्न सरोकारवालाहरूले आग्रह गरेका छन्।
मानव बेचबिखन अन्त्यका लागि कानुनी कारबाहीसँगै जनचेतना, आर्थिक सशक्तीकरण, सुरक्षित वैदेशिक रोजगारी, शिक्षा र सामाजिक सचेतनालाई प्राथमिकता दिनुपर्ने आवश्यकता छ। दिवस केवल औपचारिक कार्यक्रममै सीमित नभई मानव बेचबिखनविरुद्ध निरन्तर अभियान सञ्चालन गर्ने अवसरका रूपमा लिनुपर्नेमा सरोकारवालाहरूको जोड छ।
