शम्भु चौधरी लहान १८ कात्तिक । स्वाथ्यका लागी खेलकुद राष्ट्रका लागी खेलकुद भने मुल नाराका साथ नवराजपुर गाउँपालिकाले आयोजना गरिएको ‘तेस्रो गाउँपालिका अध्यक्ष कप क्रिकेट प्रतियोगिता २०८२ सम्पन्न भएको छ। प्रतियोगितामा वडा १ र वडा ५ बीच फाइनल खेलमा वडा १ विजयी बनेको छ भने वडा ५ उपविजेता बन्न सफल भएको छ।
प्रतियोगितामा गाउँपालिकाका ५ वटै वडाका टिमहरूले सहभागिता जनाएका थिए। रोमाञ्चक तथा प्रतिस्पर्धात्मक खेलहरूमा उत्कृष्ट प्रदर्शन गर्दै वडा १ ले उपाधि हात पार्न सफल भएको हो। उपविजेता वडा ५ ले समेत राम्रो खेल प्रदर्शन गर्दै अन्तिम चरणसम्म यात्रा पूरा गरेको थियो। फाइनल खेलमा वडा १ ले निर्धारित ओभरमा लक्ष्यमाथि उत्कृष्ट ब्याटिङ र कडा बलिङ गर्दै १ सय १९ रनले जित हासिल गरेको आयोजक समितिका अध्यक्ष जिवछ कुमार यादवले बताए ।
समापन समारोहका प्रमुख अतिथि समेत रहेका नवराजपुर गाउँपालिकाका अध्यक्ष शिव उदगार यादवले विजेता टोलीलाई कप, मेडल र प्रमाणपत्र सहित नगद पुरस्कार रु ६० हजार प्रदान गरे। उपविजेतालाई कप, मेडल, प्रमाणपत्र तथा नगद रु ४० हजार पुरस्कार प्रदान गरिएको थियो । कार्यक्रममा बोल्दै गा पा अध्यक्ष यादवले भने खेलकुदले युवाहरूलाई अनुशासन, एकता र स्वास्थ्यसँग जोड्ने बताए । खेलकुद केवल मनोरञ्जन मात्र होइन, समाज रूपान्तरण र सकारात्मक सोच विकासको माध्यम हो, वहाँका अनुसार गाउँपालिकाले आगामी दिनमा अझ विस्तृत र ठूलो स्तरको प्रतियोगिता आयोजना गर्ने बताए ।।
प्रतियोगिताको समापन्न समारोहमा प्रमुख प्रशासकिय अधिकृत लगायत पालिका भरीका जनप्रतिनिधिहरुको उल्लेखनिय उपस्थिती रहको थियो ।
