लहान। सिराहाको नवराजपुर गाउँपालिकामा आयोजीत क्रिकेट खेल समारोह सँगै पुरस्कार वितरण कार्यक्रम सम्पन्न गरिएको छ ।
समाजमा युवाहरुको रोजाइको खेलको रूपमा रहेको क्रिकेट खेल पालिका स्थित जनमत पार्टीका नेता तथा कर्याकर्ताकाे निजी लगानीमा आयोजीत क्रिकेट खेलमा विजेता टिमलाई पुरस्कार वितरण गरिएको हो । खेलमा प्रथम र दोस्रो हुनेलाई नगद र खेल सामग्री सहित सिल्ड प्रदान गरिएको खेलाडीहरुले बताएका छन ।
स्थानिय नेताद्धय जिबछ यादव र राम सुरेश यादबको निजी खर्चमा माघ २० गतेदेखि फाल्गुन ५ गतेसम्म संचालित खेल शुक्रबार सप्पन्न भएको छ ।
संचालित खेलमा पालिकाका विभिन्न वडा अन्तर्गतका टिम सहित अन्य स्थानीय टिमहरू समेत सहभागि भएका थिए ।
खेलमा कजरा टिमले प्रथमं स्थान हात पारेको छ भने मेन्हा टिम दोस्रो भएका छन ।
विजेता प्रथम टिमलाई १०,००० नगद सिल्ड र १०,००० हजारको खेल सामग्री प्रदान गरिएको छ भने दोस्रो टिमलाई ६०,०० हजारको खेल सामग्री र नगद ५०,०० प्रदान गरिएको थियो ।
