जनताको समस्या, गुनासो तथा महत्वपूर्ण सुझावहरूका लागी क्षेत्रीय कार्यालयको स्थापना

शम्भु चौधरी लहान ११ चैत्र । राष्ट्रिय स्वतन्त्र पार्टीको निर्देशन तथा निर्वाचनका क्रममा जनतासँग गरिएको प्रतिबद्धता अनुसार सिरहा क्षेत्र २ को क्षेत्रीय कार्यालय धनगढीमाई नगरपालिका १० जिरोमाइलमा विधिवत रूपमा स्थापना भएको छ ।
जनताको समस्या, गुनासो तथा महत्वपूर्ण सुझावहरूलाई प्रत्यक्ष रूपमा सुन्ने र समाधान तर्फ अग्रसर हुने उद्देश्यले यो कार्यालय स्थापना भएको हो । यहाँहरूको साथ, सुझाव तथा सहयोगले हामीलाई अझ जिम्मेवार र प्रभावकारी रूपमा कार्य गर्न प्रेरित गर्नेछ भन्ने विश्वास लिएका राष्ट्रिय स्वतन्त्र पार्टीका नेता अनिल सिंहले बताए ।
कार्यालय खुल्ने समय सरकारी कार्यालय खुले सरह नै हुने नेता सिंहले बताए । बिहान १० बजे देखि साँझ ५ बजेसम्म रहनेछ । यस समयमा तापाई आफना गुनासा, सल्लाह सुभाव तथा प्रतिक्रिया कार्यालयमा रहेका कर्मचारुी मार्फत दिन सकिने नेता सिंहले बताए ।
कार्यालय स्थापना समारोहमा पार्टीमा नेता तथाा कार्यकर्ताहरुको उल्लेखनिय उपस्थिती रहेको थियो । कार्यक्रम बिच राष्ट्रिय स्वतन्त्र पार्टी सदैव जनताको सेवामा समर्पित रहने प्रतिबद्धता व्यक्त गरे।