शम्भु चौधरी लहान १५ फाल्गुन । प्रतिनिधि सभा सदस्य निर्वाचन २०८२ को सिरहा निर्वाचन क्षेत्र १ मा जनमत पार्टीबाट प्रत्यक्ष उम्मेदवारी दिइएका राम स्वरुप चौधरीको कृषि र किसानको हकहित पहिलो प्राथमिकतामा रहेको बताए ।
फाल्गुुन २१ गते तोकिएको निर्वाचनको मितिसँगै सम्मेदवारहरु मतदाताहरुसँग मत माग्नमा व्यस्त देखिन्छ । उम्मेदवार चौधरीका अनुसार किसानको खेत खेतमा खुट्टी नहरको पानी पुर्याउने मेरो लक्ष्य हो । चन्द्र शमसेर रानाको पालामा निर्माण भएको खुट्टी नहर विगतका वर्षदेखि विवादस्पद रहि ओझेलमा परेका छन् । यी विवादलाई साँझा मुद्या बनाइ विवादरहित बनाउने छु । त्यो नहरको पानी किसानको खेत खेतमा पुर्याउने मेरो पहिलो धोको हुने छ ।
कार्यक्रम समय संवादमा बोल्दै उम्मेदवार चौधरीले भने मेरो उम्मेदवारी संविधान संसोधनसहित संविधानमा सबैको अधिकार सुनिश्चित गर्ने हो । सरकारले विभिन्न आयोग निर्माण गरे तापनी दलित भित्र मुसहर आयोग, चमार आयोग बन्नेमा जोड दिएका थिए ।
मधेशका महिलाहरु खास गरि उचित सिपको परिचालन नगरि समय खेर फालिरहेको बताए । त्यो खेर गइरहेको समयलाई घरेलु सिप जस्तै अदौरी बनाउने, बिरिया बनाउने, मुरौरी बनाउने आदि सिपलाई परिचालन गरि स्थानिय बाजारमा बजारिकरन गर्ने बताए ।
