शम्भु चौधरी लहान,११ भदौ । लहान नगरपालिका १७ को वडा कार्यालय अहिले सचिव विहिन बनेका छन । सचिव राजकुमार साह आन्तरिक विवादका कारण विना जानकारी साउन २ गते देखि अनुपस्थित रहेको थियो । नगरपालिकाको आदेश अनुसार भदौ २ गते पुनः वडामा हाजरी हुन आउँदा वडा अध्यक्ष प्रथमलाल चौधरी थारुले हाजरी गराएन । त्यो दिन देखि हालसम्म वडा कार्यालयमा सचिव विहिन रहेको नेपाली कांगेसका जिल्ला कार्य समिति सदस्य त्रिपतलाल यादवले बताए ।
सचिव विहिन भएपछि वडामा हुने कार्य हाल बन्द भएपछि वडाका सेवाग्राहिहरु मर्कामा परेका छन् । अहिले नविकरणको चट्टारो भए पनि सचिव विहिन भएपछि सेवाग्राहिहरु आक्रोस पोखेका छन् ।
यता नेपाली काग्रेंसका जिल्ला कार्य समिति सदस्य यादवको नेतृत्वमा गएको टोली वडमा भएका ३ वर्ष अघिसम्मको कार्य प्रगति विवरण सहित अन्य वुन्दामा केन्द्रित रहि अध्यक्ष चौधरीसँग मांग गरेका छन् ।
वडा १७ का नेपाली काँग्रेसका बुथ सभापति हरि नारायण चौधरीका अनुसार वजेट विनियोजन गर्ने बेलामा पनि हामीलाई सोध खोज गर्नुपर्ने धारणा राखेका छन् ।
यी यथावत समस्यालाई १ हप्तासम्ममा समाधान गर्ने वडा अध्यक्ष चौधरीले बताए । अध्यक्ष चौधरीका अनुसार हामी सकभर कुनै पनि निर्णयमा सबै दलहरुलाई समेटेरै जाने गरेका छौँ तर कदम कदाचित कुनै नेता वा कार्यकर्ता छ्टेको छ भने आगामी दिनमा वहाँलाई समेटेरै जाने प्रतिवद्धता जनाए ।
