शम्भु चौधरी लहान १२ जेठ । धनगढीमाई नगरपालिका वडा नं १ स्थित जनता आधारभूत विद्यालयमा भवन निर्माण कार्य भइरहेको छ। यस विद्यालयमा कक्षा कोठाको अभावलाई परिपूर्ति गर्न र विद्यार्थीहरूको पठनपाठनमा सहजता ल्याउनका लागि नयाँ भवन निर्माण गरिने भएको हो।
विद्यालय भवनको निर्माण कार्यको शिलान्यास केहि दिन अगाडी नगर प्रमुख शिवशंकर महतो र उपप्रमुख संगिता कुमारी चौधरीले संयुक्त रुपमा गर्नु भएको छ । यसका लागि प्रदेश र संघ सरकारको बजेट समावेश गरिएको हो । निर्माण कार्य सम्पन्न भएपछि विद्यालयमा कक्षा कोठाको अभाव हट्ने र विद्यार्थीहरूको पठनपाठनमा सुधार आउने विधालयका प्रअ विनोद कुमार साहले बताए ।
५४ लाखको बजेटमा चार कोठे पककी भवनक बन्ने र यस विद्यालयको भवन निर्माण कार्यको प्रगति समयमै सम्पन्न हुने वडा १ का वडा अध्यक्ष सुर्य नारायण यादवले बताए ।
