लहान सिरहा ,१६ चैत । संघीय राजधानी काठमाडौंको तीनकुनेमा राजावादी आन्दोलनका क्रममा आगजनी हुँदा एभिन्यूज टेलिभिजनका पत्रकार सुरेश रजकको जलेर मृत्यु भएको विरोधमा सिराहाका पत्रकारहरुले शनिबार लहानमा प्रदर्शन गरेका छन्। नेपाल पत्रकार महासंघ सिराहा शाखाको आयोजनामा जिल्ला भरका पत्रकार विरोध र्यालीमा सहभागी भएका थिए।
रुयाली लहान नगर परिक्रमा गरी शहिद चौकमा आई कोण सभामा परिणत भएका थिए । प्रदर्शनका क्रममा पत्रकारहरूले ‘हत्यारा र दोषीलाई कारबाही गर’, ‘सञ्चार माध्यम माथि आक्रमण बन्द गर’, ‘प्रेस स्वतन्त्रता कायम गर’, ‘पत्रकार कुट्न पाइँदैन’, ‘सम्पूर्ण कलमजीवी पत्रकार एक हौं’ जस्ता नारा लगाएका थिए।
आन्दोलनकारीहरूले विभिन्न सञ्चार माध्यम माथि आक्रमण गरेका थिए। सो घटनाको विरोधमा नेपालभरका पत्रकारहरू आन्दोलित भएका छन्।
कोणसभालाई पत्रकार , अर्जुन थपलिया, राजेश विद्रोही, सुदीप राउत, यमुना खनाल र दिनेश्वर प्रसाद गुप्ता लगायतका पत्रकारहरुले सम्बोधन गरेका थिए।
नेपाल पत्रकार महासंघ सिराहा शाखाका अध्यक्ष मनोज बनैताको अध्यक्षतामा सम्पन्न भएको थियो ।
