शम्भु चौधरी लहान २५ फाल्गुन । लहानमा आयोजित डे एण्ड उपमेयर कप नाइट क्रिकेट टुर्नामेन्ट २०८१, लहानको शनिबार भएको फाइनल खेलमा लहान ३ विजयी भएका छन।
खेलको मुख्य उद्देश्य युवाहरूलाई खेलकुदतर्फ आकर्षित गर्दै कुलतको लतबाट जोगाउनु, सिर्जनात्मक गतिविधि, अनुशासन, मेहनत, आत्मविश्वास, नेतृत्व विकास र सकारात्मक ऊर्जा भर्ने विश्वास गरिएको छ।
लहान नगरपालिका उपप्रमुख रामचलितर महतोका अनुसार खेलकुदलाई मनोरञ्जन मात्र नभई युवा पुस्तालाई सही दिशामा डोर्याउने उत्कृष्ट साधनका रूपमा लिन आवश्यक छ। यसरी प्रतियोगिताहरूलाई अझ व्यापक रूपमा विस्तार गर्न सकिएमा युवाहरूलाई सिर्जनात्मक कार्यमा संलग्न गराउन सकिन्छ। सरकार, स्थानीय निकाय, तथा समाजका अगुवाहरूले यस्ता प्रतियोगिताहरूलाई निरन्तरता दिन पहल गर्नुपर्छ। तर, दुखद कुरा के छ भने, आफूलाई युवा मेयर भन्ने व्यक्तिहरूले युवाहरूको प्रोत्साहनमा असहयोगी भूमिका निर्वाह गरेका छन्। भाषण र प्रतिबद्धता केवल शब्दमा सीमित हुनुहुँदैन, तिनलाई व्यवहारमा लागू गर्न जरुरी छ। युवाहरूले यस्ता गतिविधिहरूमा ध्यान दिनुपर्छ र नेतृत्वको जिम्मेवारीबारे गम्भीरतापूर्वक विचार गर्नुपर्छ उप मेयर महतोले बताए ।
खेल समापन्न समारोहमा सफटेक कलेजका संस्थापक डा महादेव साहले विजेता ताथ उपविजेता दुवै टिमका खेलाडीहरुलाई आफना कलेजमा छात्रबृतिको लागी घोषण पनि गरेका छन ।
