शम्भु चौधरी लहान १५ फाल्गुन । ४४ दिने अभियान अन्तर्गत आज सुखीपुर नगरपालिका–८, महादेवामा किसान मजदुर आन्दोलन गरिएको छ। ‘सम्पूर्ण किसान मजदुर एक हौँ भने मुल नारा राखी पीडित पक्षले आफ्नो जमिन फिर्ता गराउन आन्दोलन तीव्र पारेका छन्।
पीडित बबिता रामका अनुसार, लकडाउन भएको सालमा औरही गाउँपालिकाकी रेणु कुमारी साह सुडीसँग ५० हजार रुपैयाँ ऋण लिएकी थिइन्। ऋण रकमको ब्याजसहित उनले मासिक २० हजारका दरले २ लाख रुपैयाँ बुझाइसके पनि सुडीले उनीमाथि ठगी गरेको आरोप लगाएकी छन्। लेखपढ गर्न नसक्ने कमजोरीको फाइदा उठाउँदै सुडीले बबिता रामलाई धोका दिएर जग्गा आफ्नो नाममा नामसारी गराएको आरोप छ।
पीडितहरूको आन्दोलनलाई साथ दिँदै मिटरब्याज संघर्ष समितिकी पुनम महतोले २०७२ सालदेखि नै आफूहरूले मिटरब्याजीहरूविरुद्ध संघर्ष गरिरहेको बताइन्। ूगरिबलाई जबर्जस्ती उठिवास गराउन खोज्ने मिटरब्याजी साहुहरूलाई कारबाही नगरिएसम्म हाम्रो आन्दोलन जारी रहने बताईन ।
पिडितहरुलाई उचित लेनदेन गराउने तथा साहु महाजन उचित लेनदेनमा कुनै किसिमको हिचकिचाहट गरेको खण्डमा सो व्यक्तिलाई कानुन बमोजिमको कार्वाहि गर्ने चेतावनी आन्दोलन समितिका जिल्ला इन्चार्ज श्याम सुन्दर यादवले दिए ।
