भारतको सर्वोच्च अदालतले नयाँदिल्लीका मुख्यमन्त्री अरविन्द केजरीवाललाई १० लाख धरौटीमा रिहा गर्न आदेश दिएको छ ।
न्यायाधीश सूर्यकान्त र उज्जल भुयनको संयुक्त इजलासले केजरीवाललाई १० लाख धरौटीमा रिहा गर्न आदेश दिएको हो । केजरीवाल मदिरा नीतिमा भ्रष्टाचार गरेको आरोपमा पक्राउ परेका थिए ।
तिहाड जेलमा रहेका आम आदमी पार्टीका नेता समेत रहेका केजरीवाललाई शुक्रबार नै छाड्ने तयारी छ ।
यसअघि भारतको आम निर्वाचनको बेलामा भने चुनाव सकिएलगत्तै हिरासतमै बस्नुपर्ने सर्तमा केजरीवाल केही दिन रिहा भएका थिए ।
सिबिआईले उनलाई जुन २६ मा पक्राउ गरेको थियो । यसविरूद्ध केजरीवालले आफूलाई गैरकानुनी रूपमा पक्राउ गरिएको भन्दै सर्वोच्चमा रिट दायर गरेका थिए ।
