सिरहा जिल्ला धनगडिमाई नगरपालिका(१०, श्यामपुरका पिडित दिनेश कामत उपचारको अभावमा मृत्युसंग लडिरहेका छन ।
कामतलाई २०८१ असार महिनाको २७ गते भोजभतेरमा खाना पकाउने कामको लागि सोहि ठाउँका ठेकदार प्रदीप साहले आफ्नो सालोको बिहेमा मजदुरको रुपमा लगाएका थिए। ठेकदार साहले कामतलाई खानामा कमीको आरोप लगाउँदै गाली(गलौज गरेका थिए। पछि, कामतलाई ठेकेदारकै सालोले कुटपिट गरेर छतबाट धकेलिएको आरोप लगाइएको छ।
धकेलेर छतबाट खसेपछि कामतको ढाड भाँचिएको छ र उनलाई आपतकालिन अपरेसन गर्नुपर्ने स्थिति छ। अपरेसनको खर्च करीब साढे तीन लाख रुपैयाँ पर्ने जनाएको छ, जुन रकम कामतको आर्थिक स्थिति अनुसार संकलन गर्न कठिनाइ भइरहेको छ।भाडामा झुपडीको घरमा बस्दै आएका कामतका पाँच छोरी र एक छोरा भएका कामत परिवारको वर्तमान अवस्था अत्यन्तै दयनीय छ र छाक टार्न पनि हम्मे हम्मे भईरहेको छन।
प्रहरीमा उजुरी दर्ता गरिए पनि कुनै सुनवाइ नभएको र ठेकदार साहले उपचारको खर्चमा आनाकानी गरिरहेका छन्। त्यसैले पिडित कामतकी श्रीमती अमेरिका देवी कामतले सामाजिक छलफल र चन्दा संकलनको माध्यमबाट उपचार खर्च जुटाउने प्रयास गरिरहेका छन्।
दमकको एक आयुर्वेदिक अस्पतालमा कामतलाई पटक(पटक लाने र एम्बुलेन्स खर्च १२ हजार रुपैयाँ सहित २० देखि २५ हजार रुपैयाँसम्मको उपचार खर्च उठाउन कठिनाइ भएको बताइएको छ।
ठेकदार प्रदीप साहले भने आफू घटनास्थलमा नभएको र काम सकेपछि रक्सी खाएर बाहिर गएको दाबी गरेका छन्। तर, उनले उपचार खर्चको रूपमा एक लाख दस हजार रुपैयाँ दिने सहमति जनाएको छ।तर उक्त रकम लिन सहमति पेपरमा अंगुठा छाप लगाउनु पर्ने बध्यात्यमक अवस्था रहेपनि अपरेशन गर्न अपुग रहेकोले उपचार नै गराईदिनुस पिडत कामतका श्रीमतिले भने पछि ठेकदार साहले मानिरहेको छैन।
