नेपाल पोष्ट दैनिक लहान २ चैत्र । सिराहाको धनगढीमाई ७ कसहामा रहेको श्री जनता माध्यामिक विद्यालयमा गैरकानुनी तवरले विद्यार्थीसंग भौतिक शीर्षकमा शुल्क उठाइरहेको खवर बाहिरिएको छ ।
विद्यालय ब्यबस्थापन समितिलाई भुलभुलैयामा पारेर शिक्षा शाखा धनगढीमाईलाई समेत चुनौती दिँदै प्रधानाध्यापकले मनोमानी ढंगले शुल्क उठाइरहेको अवस्था छ ।
विद्यालय परिसरमा रहेको वडा कार्यालयलाई जानकारी नदिएर आफू खुशी विद्यार्थी र अविभावकलाई तनाब दिएर अन्य शीर्षक राखेर शुल्क उठाइरहेको अवस्था देखेपछि स्थानियले बिरोध पोख्न वडा कार्यालय पुगेका हुन । तर त्यहाबाट पनि ठोस निर्णय नआएको स्थानियले बताए ।
नेपालको संविधान २०७२ को भाग ३ को धारा ३१ को उपधारा २ मा प्रत्येक नागरिकलाई राज्यबाट आधारभूत तहसम्मको शिक्षा अनिवार्य र निःशुल्क तथा माध्यामिक तहसम्मको शिक्षा निःशुल्क पाउने हक हुनेछ भनी लेखिएको छ ।
नेपालमा २०२८ सालमा जारी भएको शिक्षा ऐन तथा नियमावली र अनिवार्य तथा निःशुल्क शिक्षासम्बन्धी ऐनले सामुदायिक विद्यालयलाई शुल्क उठाउन छुट दिएको छैन ।
अनिवार्य तथा निःशुल्क शिक्षासम्बन्धी नियमावली, २०७७ मा सार्वजनिक विद्यालयले माध्यमिक तहसम्मको शिक्षामा विद्यार्थी भर्ना शुल्क, मासिक पढाई शुल्क, परीक्षा शुल्क र पाठ्यपुस्तक वापतको रकम उठाउन नपाउने स्पष्ट व्यवस्था छ ।
नेपाल कानुन आयोगको
१६ घ मा शुल्क सम्बन्धी गरिएको व्यवस्था बमोजिम नेपाल सरकारले निःशुल्क शिक्षा घोषणा गरेको विद्यालय शिक्षाका लागि सामुदायिक विद्यालयले विद्यार्थीको नाममा कुनै किसिमको शुल्क लिन पाउने छैन भनिएको छ ।
नेपालको संविधान,ऐन,कानुनले शुल्क नलिन भने पनि प्रधानाध्यापकको मनोमानीको कारण शुल्क उठाइरहेको अवस्था रहेको देखिन्छ ।
विद्यार्थीसंग उठाएको रकम विद्यालयमा कार्यरत प्रधानाध्यापकबाट नै तिराएर फिर्ता गराउनुपर्ने माग स्थानियको रहको छ ।
यता पालिका र पालिका भित्रका निकाय यस विषयमा बेखबर देखन्छ ।
