छपराडी बजार ब्यबस्थित गर्नमा जुटे समिति

लहान, माघ २२ । धनगढीमाई नगरपालिका ११ को पूर्व पश्चिम राजमार्ग अन्तर्गत रहेको स्थानिय छपराडी बजार व्यवस्थापनको लागि स्थानिय समिति सक्रिय भएर अगाडि बढिरहेको अवस्था देखिन्छ ।
स्थानिय खुद्रा व्यापारीहरुले सडक खण्डको दायाँ बायाँमा बजार लगाइरहँदा सवारी साधन आवत जावतमा कठिनाई उत्पन्न भइरहेको र संभावित दुर्घटनाको अवस्था देखिएपछि समिति सक्रिय भएर बजार ब्यबस्थापनका साथ आगाडी आएका आई एम ई का संचालक नन्दीलाल चौधरीले बताए ।
अन्य दिनको भन्दा बजारको दिन स्थानिय व्यापारी र हाट बजार गर्न आउने मानिसहरूको भीडले बजार भरी भराऊ हुने गरेको अवस्थामा उपयुक्त बजार ब्यबस्थापनका लागि बजार समितिले एकातिर माछा बजार ब्यबस्थित गरेको छ भने अर्कोतिर सडक छेउमा तरकारी , लुगाफाटा फिजाएर बेच्दै आएका खुद्रा व्यापार र व्यापारीलाई ब्यबस्थापन गरिएको बजार व्यवस्थापन समितिका अध्यक्ष सगमलाल साहले बताए ।
सिरहाका अधिकांश बजारहरु सडक जोखिम भित्र लाग्दै आए पनि निकाय उक्त समस्या समाधान गर्न असमर्थ रहेको अवस्थामा छपराडी बजार ब्यबस्थापनका लागि अग्रसर भएका समितिलाई सबैले सकारात्मक सहयोग गर्नुपर्ने देखिन्छ ।
सडक विस्तारसँगै सडकको अवस्था जीर्ण रहेको बखत बजार ब्यबस्थापन गर्नु राम्रो भएकोले व्यापारीहरूले बजार समितिले ब्यबस्थापन गरेको स्थानमा मात्र व्यापार गर्नु पर्ने सकारात्मक अवस्था भएकोले यसलाई सकारात्मक ढङ्गले बुझ्न जरुरी रहेको देखिन्छ ।
पटक पटक सूचना गरेर सडक छेउमा व्यापार गर्न मनाही गर्दा गर्दै आलटाल गर्ने खुदा व्यापारी लगाएत अन्यलाई समेत उक्त ठाउँबाट हटाउनु जरुरी रहेको देखिन्छ ।
बजार समितिले संभावित अवस्थालाई मध्यनजर गर्दै चालेको पाईलाले सकारात्मक संदेश पुगेको आम जनताको बुझाई रहेको छ ।