१९ माघ । नवलपरासीको सुनवलमा बस र टिपर आपसमा ठोक्किँदा १७ जना यात्रु घाइते भएका छन्।
काठमाडौंबाट बाजुरा जाँदै गरेको सुदूरपश्चिम प्रदेशको ०१–००१ ख ३४८० नम्बरको बस र बुटवलबाट सुनवलतर्फ आउँदै गरेको लु २ ख १६९६ नम्बरको टिपर बिहीबार राति आपसमा ठोक्किएर दुर्घटना भएको हो।
सुनवल–४ मा भएको उक्त दुर्घटनामा घाइते भएकामध्ये नवलपरासी देवचुली नगरपालिका( १२ का ३२ वर्षीय प्रकाश न्यौपानेको अवस्था गम्भीर रहेको प्रहरीले जनाएको छ।
दुर्घटनाका घाइतेको लुम्बिनी प्रादेशिक अस्पताल बुटवल र देवदह मेडिकल कलेज रुपन्देहीमा उपचार भइरहेको छ।
