दुर्गा प्रसाईको कुनै पनि कार्यक्रम लहानमा गर्न नदिने विकास शारदाको चेतावनी

शम्भु चौधरी लहान ४ माघ । दुर्गा प्रसाईको कुनै पनि कार्यक्रम लहानमा गर्न नदिने उधोग वाणिज्य संघ लहान सिरहाका अध्यक्ष विकास शारदाले चेतावनी दिएका छन ।
बुधबार भएको नेपाल निर्माण व्यवसाय संघ जिल्ला कार्य समिति लहान सिरहाको ११ औं पदस्थापना समारोहमा अध्यक्ष शारदा यस्तो बताएका छन ।
माघ २ गते मंगलबार बैंक र वित्तिय संस्था कर्जा पिडितहरुले आयोजना गरिएको आम सभालाई सम्बोधन गर्न आएका प्रसाई अध्यक्ष शारदा माथि कलोमोसो दल्ने जस्ता शब्दले कटाक्ष गरेका थिए ।
निर्माण व्यवसाय संघको कार्यक्रममा बोलदै अध्यक्ष शारदाले भने जब सम्म बैंक वित्तिय संस्था कर्जा पिडित संघर्ष समिति सिरहाले प्रेस विज्ञप्ती जारी गरी माफी नमागे सम्म मेरो त्यस संघर्ष समिति प्रति कुनै किसिमको समर्थन नरहने बताएका छन । सथै विहिबार म आफै प्रेस विज्ञप्ती जारी गरी त्यस्ता कार्य प्रति घोर आपती जनाउने बताएका छन ।
केहि दिन अगाडी अध्यक्ष शारदाले पत्रकार सम्मेलन मार्फत संघर्ष समितिलाई समर्थन दिदै सल्लाहकार समेत बनेका थिए ।
अध्यक्ष शारदालाई कालोमोसो दल्ने विषय लहानमा चर्चाको विषय बनेको छ ।
नेपाल निर्माण व्यवसाय महासंघका केन्द्रिय अध्याक्ष रवि सिंहको प्रमुख अतिथिमा कार्यक्रम सम्पन्न भएको थियो । प्रमुख अतिथि सिंहका अनुसार हामी निर्माण व्यवसायहरु आफनो सिसटम र ईमान्दारीता पुर्वक कार्य गरेमा कुनै किसिमको गुनासो सुन्नु नपर्ने अवस्था आउने बताएका छन ।
केहि दिन अगाडी संघको निर्वाचनबाट अजय बहादुर राउतको अध्यक्षतामा १३ सदस्य जिल्ला कार्य समिति निर्वाचित भएका थिए ।