शम्भु चौधरी लहान १ पुस । साना कृषी सहकारी संस्था लि. धनगढीमाई नगरपालिका सिरहाको चौधौँ वार्षिक साधारण सभा शुक्रवार सम्पन्न भएको छ ।
धनगढीमाई नगर प्रमुख शिव शंकर महतोको प्रमुख आतिथ्यमा सम्मान कार्यक्रममा महतोले भने गाउँघरमा छरीएर रहेको सानो सानो रकम जम्मा गर्ने र साना किसानहरु कृषी कार्य गर्न सहकारीबाट सेवा प्रदान गर्नु पर्ने यस सहकारीका मुख्य कार्य हुनु पर्ने बताउनुभयो । यस नगरपालिकामा जम्मा ४ बटा साना कृषी सहकारी संस्था रहेका छन् । ती सहकारीहरुलाई १० लाखसम्मको परीयोजना प्रस्ताव पेश गर्न आग्रह समेत गरेका छन् । पेश गरेको प्रस्तावमा पालिकाबाट आवश्यक सहयोग गर्न समेत नगर प्रमुख महतोले बताए ।
कार्यक्रममा १३ करोड २५ लाख ६ हजार ७ सय २५ रुपिया ३२ पैसाको कारोवार भएको सहकारीका प्रवन्धक गीता चौधरीले प्रस्तुत गरेकी छिन् । जसमा यस वर्ष ३८ लाख २० हजार ५ सय १४ रुपिया २० पैसाका कुल नाफा प्रस्तुत गरेकी छिन् । १ सय ६५ समुह र ८ सय ३१ जना शेयर सदस्य भएको सहकारीमा यस वर्ष १६ जना ज्येष्ठ नागरीकलाई दोसल्ला ओेढाई सम्मान गरेका छन् । १९ जना वाल बचत गरीरहेका वालवालिकाहरुलाई स्कुल जान व्यज वितरण गरेका छन् भने ४ जना मृतक शेयर धनीलाई वहाँको नजिकको आफन्तलाई रु. १ हजारको दरले क्रिया खर्च प्रदान गरिएको प्रवन्धक गीता चौधरीले बताइन् ।
कार्यक्रममा धनगढीमाई नगरपालिका १ का वडा अध्यक्ष सूर्य नारायण यादव, वाड नंं. २ का वडा अध्यक्ष मो. हमिद राईन, साना किसान लधुवित लहानका प्रमुख राज कुमार यादव लगायत दर्जनौ सहकारीकर्मीहरुले मन्तव्य राखेका थिए ।
सहकारीका वडा अध्यक्ष मागैन महतोको अध्यक्षतामा चौधौँ साधारण सभा सम्पन्न भएको थियो ।
