शम्भु चौधरी लहान २५ चैत्र । सिरहाको औरहीमा हुन लागेको चौबिस कुण्डिय गायत्री महायज्ञको समउदघाटन गर्न आईतबार नेपालका महामहिम सम्मानीय उपरास्ट्रपति रामसहाय प्रसाद यादव आउने भएको छ ।
२६ गते आईतबार देखि संचालन हुने यज्ञ चार दिन सम्म रहने र पहिलो दिन आईतबार बिहान ८ बजे बिशाल शोभा कलश यात्रा निसकिने कार्यक्रम रहेको छ । शोभा कलश यात्रा शुभारम्भ तथा झण्डोतोलन उपरास्ट्रपति यादवद्धरा हुने यज्ञ समितिका सदस्य तथा औरही गा पा ५ का वडा अध्यक्ष रामपृत यादवले बताए । सो कलश यात्रामा करीब १५ सयको हराहारीमा कलश यात्री रहने सदस्य यादवले बताए ।
मानवमा देवत्वको जागरण होस धर्तीमा स्वर्गको अवतरण होस, हामी बदलिए युग बदलिनेछ हामी सुधरीए युग सुधरीनेछ भने मुल उद्देश्य राखी महायज्ञ हुन लागेको हो ।
उपरास्ट्रपति यादव आउने भएकोले सुरक्षाको प्रवन्ध पनि कडा पारीएको साथै कलश यात्रीहरुको सहजताका लागी र गाडीको पार्किंग मिलाउन ट्राफिक व्यवस्था समेत गरीएको मुल आयोजक समितिले बताए ।
