सिरहा २४ पुस। मिर्चैयामा आक्रोशित आन्दोलनरत विद्यार्थीले गरेको ढुङ्गामुडाबाट डीएसपी हरीवहादुर वली सहित ७ जना घाईते भएका छन्। विहानै देखि पूर्वपश्चिम राजमार्ग अन्तर्गत मिर्चैया बजार क्षेत्रमा सडक जाम खुलाउने क्रममा भएको झडममा डीएसपी सहित ७ जना घाईते भएका हुन्।
घाइतेमध्ये एक प्रहरीको ३ ठाउँमा खुट्टाफ्याक्छर भएको इलाका प्रहरी कार्यालय मिर्चैयाले जनाएको छ। खुट्टा फ्क्चर भएका प्रहरी असाई सुरेन्द्र यादवको थप उपचारको लागि काठमाडौं लाने तयारी भईरहेको डीएसपी ओलीले जानकारी दिए। अन्यको स्थानीय मङ्गलम अस्पतालमा उपचार भईरहेको छ।
प्रहरीले आन्दोलनमा विद्यार्थीभन्दा अन्यको घुसपैठ भएको आरोप लगाएको छ। उनीहरुले आन्दोलनलाई उत्तेजित बनाउनेकाम गरिरहेको र पेट्रोलबम सहित ढुङ्गामुडा गरेको प्रहरीको भनाई छ।
सडक जाम खुलाउन प्रहरीले दर्जनौ राउण्ड हवाई फायर र आशुग्यास प्रहार गरेको छ। विद्यार्थीले एकठाउँमा बल प्रयोग गरेर जाम खुलाउँदा विद्यार्थीले अर्को ठाउँमा पुगेर जाम गरिरहेका छन्।
