लहान ९ पुस । सुबिधा सम्पन्न मस्जिदमा नमाज शुरु रहमुल लहान ८ पुस सिरहाको धनगढीमाइ न पा को सोनापुर देखि धनगाडा जाने बाटोमा गाउँको दक्षिण सुबिधा सम्पन्न मस्जिद निर्माण भइ आज शुक्रवार(जुमा) नमाज पढेर उदघाटन भएको छ।
sadakasi नामक गैरसरकारी संस्थाको पुर्ण लगानीमा सुबिधा सम्पन्न मस्जिदको निर्माण भएको जानकारी संस्थाका प्रतिनिधि एवम युवा समाजिक अभियन्ता मेराज खानले दिएका हुन।
ईस्लाम धर्मावलम्बीको लागि मस्जिद अति महत्वपूर्ण छ।
मस्जिद यस दुनियाँको पहिलो जन्नत(स्वर्ग) हो। मुसलमान दिनमा ५ पटक र हप्तामा १ पटक अनिवार्य मस्जिद जानै पर्छ र यस गाउँमा मस्जिदको अभाव रहेकोले खानको पहलमा र सोनापुर बासीको सहयोगमा मस्जिद निर्माण भएको हो।
देशमा कयौ मठ मन्दिरहरु छन ती सबै देशका गहना हुन यसलाई नकार्न सकिदैन र यी सबै धरोहरको निर्माणका लागि सरकारी ढुकुटी बाट रकम लगानी भैरहेको छ ।
ब्यबस्थापन हुदैछ तर मस्जिद पनि त रास्ट्रिय गहना हो सम्पत्ति हो। खोइ त लगानी भएको यस प्रती सरकारको ध्यानआकर्शन हुन जरुरी छ। सिरहा जिल्ला भरीमा यो मस्जिद संगै यसको सन्ख्या अब १२३ पुगेको छ।
यी सबै मस्जिद हाल सम्म चन्दा सहयोग बाट नै निर्माण भएको छ। धर्ममा आस्था राख्ने कुरान लाई आधार मान्दै नवी मोहम्मद साहवले देखाएको बाटो हिंड्दै जीवन बिताइ रहेका मुस्लिम समुदाय मस्जिद, मदर्सा, अनाथ, गरीव मजलुम आदीको नाममा सहयोग गर्न निकै अगाडी रहेको पाइन्छ।
हाल सम्मको अबस्था हेर्दा मुस्लिम समुदाय मस्जिद , मदर्सा, मौलवी मौलाना, मुफती, हाफिज, कारी यी बिज्ञहरु सहित संस्थाहरु समुदायको लगानीमा चल्दैछन। हुनत मदर्साहरुमा सरकारले लगानी नगरेको होइन तर मदर्सालाइ पनि सामुदायीक बिधालय बनाउनु पर्यो। एक दुई कर्मचारी पठाएर हुदैन।
मदर्सा शिक्षा अनुसार हाल सम्म देशमा 0 देखि उच्च शिक्षा सम्मको पठन पाठन भैरहेको छ। यदि यस कार्यमा सरकरको पुर्ण सहयोग भए शिक्षा निकै अगाडी जाने प्रवल सम्भावना छ।
