दुःखै दुःखको घेरामा जीवन पाल

शम्भु चौधरी लहान १ पुस । सिरहाको धनगढीमाई न.पा. ६ वसनपुर बस्ने ३१ वर्षिय जिवन पाल दुःखै दुःखको घेरामा परेका छन् । सानै छदा पालको आमा बुबा बित्नुभयो उमेर बढेसंगै जगतारैन पालसंग विवाह भयो, विवाह लगतै पालको सासु ससुरा बिते । पाल खासै चनाखो नभइ सृुस्त मनस्थितिका छन् । बोलि स्टपष्ट नआउने पालको स्वास्नी त चनाखो थिइन तर एक बालकलाई जन्म दिए र दास्रो बच्चाको जन्म दिदा दिदै २८ वर्षिय जगतारैन पाल विराट नर्सिगं होम विराटनगरमा यो संसारलाई छोडदिइन् ।

अहिले १३ दिने नवजात शिशुलाई पालन पोषन गर्न पाललाई धौ धौ परिरहेको छ । किनकी पाललाई घडेरी वाहेक अन्य आयस्रोत नभएको पालका छिमेकी धनेश्वरी देवी पालले बताइन् ।
७ वर्षका एक छोरा र १३ दिनका नवजात शिशुलाई बचाइ दिन सवै सहयोगीहरुलाई गुहारी रहेका छन् । साथै हेल्पिगं हटलाईन संस्थाले सक्दो सहयोग गर्ने बताएका छन् । श्रीमतीका मृत्यु पश्चात क्रियाक्रम गर्न समेत आर्थिक नभएको कारण गाँउलेहरुको चन्दाको सहयोगबाट क्रियाक्रम गर्न लगाइरहेको पाल जातका माइन्जन राम अशिष पालले बताए ।

पालले अन्तमा यो १३ दिने नवजात शिशुलाई बचाइ दिन स्थानिय जनप्रतिनिधीहरु तथा स्थानिय निकायलाई समेत आग्रह गरेका छन् ।