शम्भु चौधरी लहान १ पुष । छपरारी देखि नरगी विधापति मार्गको कार्यमा वाधा विरोध भए ता पनि सवैलाई समेटदै तिव्र गतिमा कार्य भइरहेको धनगढीमाई नगरपालिका वडा १ का वडा अध्यक्ष सुर्य नारायण यादवले वताए ।
कुनै पनि कार्य गर्दा समस्या नआउने होइन, समस्या आउछ किनभने सबैको सोचाइ एकैनासको हुदैन तर पनि हामी सम्पूर्ण समितिको चित्त नबुझेकाहरुलाई चित बुझाई रहेका छौँ । सडक निर्माणको कार्य अगाडी बढाइ रहेको वडा अध्यक्ष यादवले बताए ।
राति राति काम भइरहेको देखिन्छ । राति भएको कार्य कमअसल हुन्छ कि स्थानियहरुको आरोप रहेको छ ।
सडक सिमानामा परेका मुसहर दलित बस्तिलाई वार्डा नं.१ कै पोखरी डिलमा सार्ने सहमती भएको वडा अध्यक्ष यादवले बताए ।
कसैले १ फिट छोडिदिनु, कसैले २ फिट छनेडिनु भन्न आउछ तर निर्णय बमोजिम हामी काम गरिराखेका छौँ । कार्या स्थलमा हामी सकभर बसेकै हुन्छौ माओवादीका नेता तथा सडक निर्माणका सदस्य सियाराम महतोले बताए ।
यता सडक निर्माणका केहि सदस्यहरु मलाई सोधपुछ नगरेको भन्दै रुष्ट भएका छन् ।
