रहमुल लहान २९ मंसिर । सप्तरीको सुरुङ्गा नगरपालिका ७ साबिक गा बि स हरीपुरमा भुमिगत जलस्रोत तथा सिचाई विकास डिभिजन कार्यालय लहान द्धारा ७ वटा डिप बौर्डिङ्ग जडान गरिएको छ । दुई बर्ष अगाडी जडान भएको डीप बोरिङ बाट सैयौ बिगहामा सिचाइ सहज तरीकाले हुने बुझीएको छ तर सिचाइ कार्यालयको लापरबाहीको कारण सुबिधा सम्पन बोरिङको फलामको पाइपमा खिया लागेर नस्ट हुने अबस्थामा पुगेको छ भने प्लाष्टिकका पाइपहरु पनि यत्रतत्र फालिएको छ।
करोडौं लगानी गरेर बोरिङ सन्चालनमा आउन नसक्दा यस वडामा पर्ने कुशहा, महुलिया, पोखरीया, चकदह, हरीपुर, सम्सेरपुर र परमानपुर गरि ७ वटा गाउँका किसान निकै मारमा परेका छ्न। यी गाउँहरुमा खास गरि आदिवासी दलिद गरीबहरुको अत्यधिक बसोबास रहेको छ। किन यी गरीबहरु प्रती विभेद, किन स्थानिय सरकार यस प्रती गम्भीर छैन त?
७ वटा बोरिङ निर्माणका लागि ७ वटा समिती निर्माण गरिएको भए पनि आज सम्म समितिहरुलाइ न त एस्टिमेट थाहा छ न त यसको बजेट सम्बन्धी जानकारी आखिर कुन नियतले सरकारी पक्ष बाट यस्तो कार्य भैरहेको जानकारी नाम नबताउने सर्तमा एक जना समितिका अध्यक्षले दिएका हुन। गरि खाने किसान प्रती गरिएको विभेद कहाँ सम्म जयज छ त? रिपोर्टिङको क्रममा स्थानिय संग बुझ्दा यस क्षेत्रमा ठुला बडाको हैकमवादीको कारण र सरकारहरुको मौनताको कारण यस क्षेत्रको जन्ताको यस्तो दुर्गती रहेको बुझिएको छ।
स्थानियहरुको भनाइ अनुसार यतिका दिन सम्म हामी चुपलागेर तमासा हेर्दै थियौ तर अब चुप रहन सक्दैनौ। किसानलाइ अधिकार चाहियो यस तर्फ सरोकारबालाको ध्यानाकर्षण होस र यसको उचित छानबिन होस बोरिङको पानी सहज तरिकाले किसानको खेत खेत सम्म पुगोस भनी स्थानियहरुको माँग रहेको छ।
